 |
17:08. Vyniesieny prysud. Michaiłu Subaču i Paŭłu Vinahradavu - pa 2 hady abmiežavańnia voli biez nakiravańnia ŭ vypralenčyja ŭstanovy, niepaŭnahadovamu Maksimu Dašuku 1,5 hodu abmiežavańnia voli biez nakiravańnia ŭ papraŭčyja ŭstanovy.
Pavał Vinahradaŭ, u pryvatnaści, skazaŭ, što spadziavaŭsia na bolš miakki prysud, naprykład, na štraf. "ciapier, -- kaža jon, pryjdziecca abmiažoŭvać siabie ŭ aktyŭnaj palityčnaj dziejnaści".
Takoj ža dumki trymajecca i Maksim Dašuk. "Adzinym niepryjemnym momantam u prysudzie jość damoŭkłaŭ mieč pakarańnia ŭ luby momant".
11:30 Padsudnyja vystupili z apošnimi słovami.
Michaił Subač zajaviŭ, što źjaŭlajecca zakonapasłuchmianym hramadzianinam. Raskazaŭ, što ŭ 2005 hodzie atrymaŭ u Niamieččynie vyšejšuju adukacyju i ŭžo praz 3 miesiacy zarehistravaŭsia indyvidualnym pradprymalnikam. Tamu ŭkaz № 760 biŭ niepasredna pa im. Pavodle jahony słoŭ, toje, što jon mieŭ mirnyja namiery na akcyi, śviedčyć chacia b toje, što jon pryjšoŭ na jaje razam z žonkaj i maci, jakaja taksama pracuje pradprymalnicaj.
Pavał Vinahradaŭ skazaŭ, što pryjšoŭ na płošču 10 studzienia pierš za ŭsio ŭ znak salidarnaści z pradprymalnikami. Da taho ž, pryniaćcie 760-ha ŭkazu mieła niepasredna adbicca niepasredna na im jak spažyŭcu. Jon taksama padkreśliŭ, što akcyja nasiła mirny j niehvałtoŭny charaktar.
Maksim Dašuk admoviŭsia ad apošniaha słova.
Sudździa Valery Jeśman abvieściŭ pierapynak prykładna da 17 hadziny.
11:05 Advakatka Maksima Dašuka prosić apraŭdać jejnaha padabaronnaha. Jana peŭnaja, što praces dakazaŭ słabaść pazycyj abvinavačańnia.
10:50 Pačalisia pramovy advakataŭ. Abaronca Michaiła Subača zajaviŭ, što jahony padabaronny ŭdzielničaŭ u akcyi, bo sam jość pradprymalnikam, i źviarnuŭ uvahu na toje, što jaho aktyŭny ŭdzieł u akcyi tak i nie dakazany.
10:35 Prakuror Łukjanaŭ zapatrabavaŭ Michaiłu Subaču, Paŭłu Vinahradavu i Maksimu Dašuku 2 hady abmiežavańnia voli biez nakiravańnia ŭ vypralenčyja ŭstanovy.
10:25 Praces adnaviŭsia sudovymi sprečkami bakoŭ
 Źleva naprava: Michaił Subač, Pavał Vinahradaŭ, Maksim Dašuk. |
 |
■
18:46 Abvieščany pierapynak da aŭtorka, praciah sudovaj spravy ŭ 10:15. Pačniecca sa sprečak bakoŭ.
15:20 Pačaŭsia razhlad videamateryjałaŭ. Pierad hetym byli začytanyja charaktarystyki abvinavačanych, napisanyja ŭčastkovymi. Na Dašuka vielmi niehatyŭnaja charaktarystyka
14:39 Pačaŭsia razhlad piśmovych materyjałaŭ spravy.
14:31 Praces adnaviŭsia. Pakazańni daje namieśnik načalnika mienskaha DAI Maksima Padbiarozkina, jon śćviardžaje, što aktyŭnych udzielnikaŭ akcyi było čałaviek 20.
***
Udzielniki padziej 10 studzienia ŭ Miensku — Michaił Subač, Pavieł Vinahradaŭ i Maksim Dašuk, praces pa spravie jakich 26 traŭnia prachodzić u sudzie Centralnaha rajonu stalicy, nie pryznajuć svajoj viny. Vakoł sudu adbyvajucca akcyi salidarnaści.
Nahadajem, 10 studzienia ŭ akcyi pratestu pradprymalnikaŭ uziali ŭdzieł bolš jak try tysiačy čałaviek, ź ich 27 byli zatrymany i 23 — asudžany. Mitynhoŭcy vystupali suprać padpunkta 1.1 ukaza prezidenta № 760 ad 29 śniežnia 2006 hoda, jaki dazvalaje indyvidualnym pradprymalnikam najmać na pracu tolki blizkich svajakoŭ. Padčas praviadzieńnia akcyi na niekatory čas byŭ pierakryty ruch na praspekcie Niezaležnaści. Pa fakcie «masavych biesparadkaŭ u centry Miensku» była raspačata kryminalnaja sprava.
Padčas siońniašniaha sudovaha pasiadžeńnia prakuror začytaŭ abvinavaŭčaje zaklučeńnie, u jakim kanstatujecca, što try maładyja čałavieki 10 studzienia 2008 hoda z 14 da 17 hadzin hruba parušali hramadzki paradak, brali ŭdzieł u mitynhu, viedajučy pra toje, što jon nie sankcyjanavany, a taksama, «viedučy za saboju mitynhoŭcaŭ, vykrykvali lozunhi», nie reahavali na papiaredžańni supracoŭnikaŭ milicyi i pierakryli prajeznuju častku praspektu Niezaležnaści prykładna z 15 da 17 hadzin.
Taksama, na dumku abvinavaŭcy, hetymi dziejańniami byŭ naniesieny ŭron u pamiery 124 młn. 800 tys. rubloŭ pradpryjemstvam Miensku.
Abvinavačanyja admovilisia davać pakazańni, tamu sud zasłuchaŭ śviedak. Byli zasłuchany pradstaŭniki mienskich pradpryjemstvaŭ i KUP «Minsktrans». Usie jany zajavili, što materyjalnych pretenzij da mitynhoŭcaŭ nia majuć. U pryvatnaści, pradstaŭnik universamu «Centralny» zajaviła, što nia budzie patrabavać u iskavym paradku kampensacyi ŭronu. Pradstaŭnik KUP «Minsktrans» paćvierdziŭ, što ruch aŭtobusaŭ pa płoščy Niezaležnaści byŭ parušany na niekatory čas.
Paśla hetaha ŭ sudzie byŭ abjaŭleny paŭhadzinny pierapynak.
Spravu razhladaje sudździa Valeryj Jeśman.
Raniej pa hetaj kryminalnaj spravie byli asudžany 10 čałaviek. 22 krasavika Ŭładzimier Siarhiejeŭ i Anton Kojpiš pryhavorany da štrafu ŭ 100 bazavych vieličyniaŭ kožny. Alaksiej Bondar, Arciom Dubski, Michaił Paškievič, Taćciana Ciškievič, Aleś Stralcoŭ, Michaił Kryvaŭ i Aleś Čarnyšoŭ pryhavorany da abmiežavańnia voli biez nakiroŭvańnia ŭ papraŭčyja ŭstanovy adkrytaha typu terminam na dva hady. Aprača taho, adzin ź fihurantaŭ hetaj spravy Andrej Kim byŭ taksama abvinavačany ŭ złačynstvie, praduhledžanym artykułam 364 KK (nasille abo pahroza nasilla ŭ dačynieńni da supracoŭnika milicyi). Sudździa Alena Iljina pryhavaryła A.Kima da pazbaŭleńnia voli terminam na paŭtara hoda z adbyvańniem pakarańnia ŭ kalonii ahulnaha režymu.
