Śledčym upraŭleńniem USK pa Homielskaj vobłaści zavieršana rasśledavańnie kryminalnaj spravy ŭ dačynieńni da ŭrača-endaskapista, jaki abvinavačvajecca ŭ atrymańni niezakonnaj uznaharody za sadziejničańnie va ŭchileńni ad vajskovaj słužby. Sprava była raspačata na padstavie materyjałaŭ upraŭleńnia KDB pa Homielskaj vobłaści.
U 2013 i 2015 hadach abvinavačvany pa prośbie znajomaha dapamoh čatyrom pryzyŭnikam imitavać jazvavuju chvarobu straŭnika, jakaja, zhodna z pastanovaj Ministerstva abarony i Ministerstva achovy zdaroŭja, źjaŭlajecca padstavaj dla vyzvaleńnia ad vajskovaj słužby ŭ mirny čas.
Dla stvareńnia bačnych prykmiet jazvy urač uvodziŭ u straŭnik pacyjentaŭ endaskop i adščykvaŭ frahmienty ŭnutranaj abałonki. Zatym instruktavaŭ pryzyŭnika, jak pravilna pakazać ujaŭnuju chvarobu pry prachodžańni miedycynskaj kamisii na terminovuju vajennuju słužbu. Za akazańnie takoj pasłuhi abvinavačvany atrymlivaŭ ad 100 da 200 dołaraŭ. U vyniku pryzyŭnikam udałosia atrymać adterminoŭku ad pryzyvu na vajskovuju słužbu.
Hetyja dziejańni ŭrača-endaskapista kvalifikavanyja śledstvam pa č. 1, 2 art. 433 (pryniaćcie niezakonnaj uznaharody) i č. 6 art. 16, č. 2 art. 435 Kryminalnaha kodeksa (akazańnie sadziejničańnia va ŭchileńni ad mierapryjemstvaŭ pryzyvu na vajskovuju słužbu, učynienaje šlacham naŭmysnaha pryčynieńnia sabie cialesnaha paškodžańnia, simulacyi zachvorvańnia).
Z kryminalnaj spravy vydzieleny materyjał pravierki ŭ dačynieńni da asob, jakija źjaŭlalisia pasrednikami pamiž abvinavačanym i pryzyŭnikami, a taksama ŭ dačynieńni da samich pryzyŭnikoŭ. Ich dziejańniam budzie dadziena pravavaja acenka.
