Fond baraćby z karupcyjaj apublikavaŭ rasśledavańnie, ź jakoha vynikaje, što pieršy vice-premjer Rasii Ihar Šuvałaŭ karystajecca pryvatnym samalotam. Vyniki rasśledavańnia apublikavaŭ kiraŭnik FBK Alaksiej Navalny.
Supracoŭnikam FBK udałosia znajści 13 supadzieńniaŭ, kali samalot Bombardier Global Express znachodziŭsia ŭ toj ža dzień u tych samych haradach, dzie vystupaŭ Ihar Šuvałaŭ. U śpisie haradoŭ jość Uładzivastok, kudy Šuvałaŭ jeździŭ na forum, a taksama Kazań, dzie čynoŭnik kazaŭ pra 20-mietrovyja kvatery.
Pry hetym, u dekłaracyi Šuvałava samalota niama.
Akramia taho, 18 razoŭ za apošni hod Bombardier Global Express byvaŭ u Zalcburhu, dzie ŭ siamji Šuvałava jość siadziba. Pa acency FBK, tolki pajezdki ŭ Zalcburh abyšlisia prykładna ŭ 100 miljonaŭ rubloŭ.
Taksama supracoŭnikam FBK udałosia vyśvietlić, što korhi, jakich razvodzić žonka Ihara Šuvałava, taksama lotajuć na hetym samalocie. U vaśmi vypadkach łajnier pryziamlaŭsia ŭ tych haradach, dzie ŭ toj momant prachodzili vystavy korhi.
