9 cikavych faktaŭ pra padrychtoŭku Alaksieja Hrosa da fiestyvalu:
— na apošnich aficyjnych i nieaficyjnych kancertach dy imprezach Alaksiej Hros vystupaŭ u vyšyvankach dy vyšymajkach;
— muzyka pačaŭ aktyŭna vieści na biełaruskaj movie svaje sacyjalnyja sietki;
— zapisaŭ pa-biełarusku niekalki piesień, u tym liku na vieršy Mikity Najdzionava dy svoj varyjant chita Pieśniaroŭ «Oj, doždžyk idzie»;
— Hros padtrymaŭ Ukrainu z Džamałoj na Jeŭrabačańni 2016 i navat pryjechaŭ ź joju sustrecca na kancert u Vilniu;
— chešteh vykanaŭcy #HrossNaš zrobleny ŭ vyšyvankavym styli, što taksama iranična, ale daścipna havoryć pra mnohaje;
— śpiavak navat Ału Puhačovu sprabuje biełarusizavać: padaryŭ, aformleny pa-biełarusku, jaje radavod (hieniełahičnaje dreva), jaki pakazvaje, što jašče ŭ XIX st. rod Puhačovaj žyŭ u Mahiloŭskaj vobłaści, a ŭ pradzieda śpiavački tut byŭ svoj majontak;
— taksama padaryŭ Hałkinu, Puhačovaj i ich dzieciam biełaruskija vyšyvanki;
— na firmovych cišotkach i ściažkach Hrosa, jakija zrabiła dyzajnierka Natalla Aksinovič, muzyka ŭ vobrazie vieršnika — kniazia Alhierda, pomnik jakomu dva hady tamu ŭstalavali ŭ Viciebsku. Praŭda, zamiest vajskovaha ryštunka — vyšyvanka, a ŭ ruce nie sokał, a mikrafon;
— razam z symbal.by usim kankursantam byli padrychtavanyja pryjemnyja padarunki ź biełaruskim źmiestam i cikavym siurpryzam.
Bolš pra Alaksieja:
Na «Słavianskim bazary» biełaruski ŭdzielnik budzie śpiavać pa-biełarusku