Biełaruskaja patryjatyčnaja partyja vyłučaje na parłamienckich vybarach 20 kandydataŭ. Takoje rašeńnie pryniata na 12-m (pazačarhovym) źjeździe partyi, jaki prajšoŭ 14 lipienia ŭ Minsku. Siarod pretendentaŭ — kandydat u prezidenty na vybarach 2015 hoda Mikałaj Ułachovič.
Na źjeździe taksama zaćvierdžany tekst prahramy, ź jakoj kandydaty ad arhanizacyi majuć namier vystupać na vybarach.
Cikavaść vyklikaje «humanitarnaja častka» dakumienta. U joj skazana: «My vystupajem suprać prahram «hiendarnaj roŭnaści», jakija naviazvaje nam Zachad, kali mužčyny i žančyny nie adroźnivajucca adzin ad adnaho. My vystupajem za tradycyjnaje vychavańnie padrastajučych pakaleńniaŭ, dzie chłopčyk vychoŭvajecca jak budučy mužčyna — baćka, abaronca siamji i Radzimy. Dziaŭčynka adpaviedna vychoŭvajecca jak budučaja maci, zachavalnica siamiejnaha ačaha. Užo heta zabiaśpiečyć naradžalnaść i skarocić kolkaść siemjaŭ, jakija raspadajucca».
Akramia taho, partyjcy vystupajuć suprać «talerantnaści, što naviazvajecca nam Zachadam», a taksama padtrymlivajuć «niepryniaćcie hramadstvam asobnych źjaŭ, takich jak prapahanda homaseksualizmu, nietradycyjnych norm vychavańnia, lehalizacyja narkotykaŭ».
