Pra heta zajaviŭ hienieralny prakuror Ukrainy Juryj Łucenka padčas narady z kiraŭnikami siłavych struktur u prezidenta Piatra Parašenki, paviedamlaje pres-słužba kiraŭnika ŭkrainskaj dziaržavy.
«Akramia viersii zabojstva z-za prafiesijnaj dziejnaści, my razhladajem mahčymaść viersii destabilizacyi situacyi ŭ centry Kijeva», — adznačyŭ jon.
Łucenka taksama prapanavaŭ uzmacnić nazirańnie za masavymi akcyjami ŭ stalicy Ukrainy ŭ najbližejšy čas.
«Ja nie dumaju, što my pavinny niešta zabaraniać, ale lubyja akcyi ŭ bližejšy čas pavinny arhanizoŭvacca z užyvańniem ramki mietałašukalnikaŭ. Zanadta šmat infarmacyi pastupaje pra mahčymyja pravakacyi ŭ bližejšyja dni, i ŭ suviazi ź siońniašniaj strašnaj padziejaj z Paŭłam, heta moža sapraŭdy być častkaj niejkaha vialikaha płana», — skazaŭ hienprakuror.
Staršynia SBU Vasil Hrycak u svaju čarhu zapeŭniŭ, što siłavyja struktury z pryciahnieńniem najlepšych śpiecyjalistaŭ pravodziać skaardynavanyja śledčyja dziejańni.
«My majem bazu dadzienych prymianieńnia samarobnych vybuchovych pryład. Raźličvajem na dapamohu i kansultatyŭnuju i praktyčnuju našych zamiežnych partnioraŭ», - adznačyŭ jon.
Pavodle jaho słoŭ, SBU budzie pracavać nad viersijaj, što metaj zabojstva žurnalista była destabilizacyja situacyi va Ukrainie.
