U Łuhansku siońnia ŭranku padarvali džyp z kiraŭnikom tak zvanaj Łuhanskaj narodnaj respubliki Iharam Płatnickim.
Pra heta pišuć ukrainskija ŚMI i žychary Łuhanska ŭ sacsietkach.
Jak pišuć miascovyja žychary ŭ sacsietkach, mahutny vybuch byŭ čuvać u roznych rajonach horada.
Vykazvajecca mierkavańnie, što vybuchovaja pryłada była raźmieščana na słupie kala darohi, jakoj jechaŭ Płatnicki.
52-hadovy Płatnicki ŭznačaliŭ vobłaść paśla zaniaćcia jaje rasijskimi siłami ŭ 2014 hodzie. Da raspadu SSSR Płatnicki słužyŭ u Savieckaj armii. Da 2014 hoda hety rasijski ahient pracavaŭ na pasadzie inśpiektara ŭ Tavarystvie abarony pravoŭ spažyŭcoŭ i adnačasova mieŭ svaju zapraŭku.
U vyniku bajoŭ 2014—2015 hadoŭ rasijskim siłam udałosia zaniać poŭdzień Łuhanskaj i ŭschod Danieckaj abłaściej.
