 |
Batarei dla Barysava — heta toje samaje, što Kurapaty dla stalicy. Mienavita na Batarejach byli rasstralanyja tysiačy žycharoŭ Barysaŭščyny i navakolla. Miascovyja demakraty štohod na Dziady sprabujuć ładzić na Batarejach niejkija imprezy.
Jak paviedamiŭ «Našaj Nivie», lider miascovaj supołki Partyi BNF Siarhiej Sałaš kryžy śpiłavali supracoŭniki UP «Žyllo». Što za aficyjnaja pryčyna, pakul nieviadoma.
Adzin z kryžoŭ byŭ pastaŭleny ŭ honar achviaraŭ hałodnaha buntu 1930‑ych hadoŭ, jon prastajaŭ bolej za hod, a druhi — u honar Jurki Moniča — byŭ ustalavany 23 traŭnia.
Pavodle infarmacyi Siarhieja Sałaša, kryžy śpiłavali benzapiłoj. Kryž Jurki Moniča raśpiłavali na niekalki kavałkaŭ.
Nahadajem, što 23 krasavika byŭ vykapany kryž u Dražnie (Staradaroski rajon), ustalavany čatyrma dniami raniej u pamiać pra dziesiatki zabitych savieckimi partyzanami viaskoŭcaŭ. Taksama za ŭstalavańnie kryžu na 15 sutak aryštu byli aryštavanyja palityk Viačasłaŭ Siŭčyk i žurnalist Viktar Chursik.
