Aktyvisty hramadzianskaj kampanii «Eŭrapiejskaja Biełaruś» raspačali zbor podpisaŭ za ŭstupleńnie Biełarusi ŭ Eŭrasajuz. Siabry roznych palityčnych partyjaŭ i ruchaŭ planujuć sabrać nia mienš za miljon hałasoŭ žycharoŭ krainy, kab zatym pieradać u Eŭraparlament i Radu Eŭropy.
Najbolš aktyŭna zbor podpisaŭ planujecca pravodzić adnačasna z ahitacyjnaj vybarčaj kampanijaj.
Doŭhaterminovaja kampanija maje na mecie nia tolki zbor podpisaŭ, ale i tłumačalna‑aśvietnickuju pracu siarod žycharoŭ krainy, kaža adzin z udzielnikaŭ akcyi, maładafrontaviec Źmicier Daškievič:
«Našyja aktyvisty tłumačać ludziam, što Biełaruś naležyć da Eŭropy, i heta nia treba dakazvać ni z hledžańnia hieahrafičnaha, ni z hledžańnia histaryčnaha. My vystupajem za toje, kab byli admienienyja košty na šenhienskija vizy. Kab hramadzianie Biełarusi mieli mahčymaść bolš aktyŭna asabista ŭdzielničać u pracesie eŭraintehracyi. Heta patrebna dla taho, kab biełarusy zrazumieli, što aproč uschodniaha vektaru raźvićcia, u nas jość jašče j inšy. Bolš perspektyŭny i bolš nadziejny dla našaj krainy».