Fota kupalauski.by.
Ubačyła ŭ horadzie afišu Kupałaŭskaha teatra na vierasień. Tam paznačana premjera — «Na Biełarusi boh žyvie». Što heta za śpiektakl? Što jašče rychtujuć kupałaŭcy?
Maryja Zajcava, Minsk.
Jak patłumačyła «Narodnaj Voli» Volha Babkova, zahadčyca litaraturna-dramaturhičnaj častki Kupałaŭskaha, heta budzie adnarazovy pakaz monaśpiektakla pa tvorach Uładzimira Karatkieviča. Vykanaŭca — akcior Ruskaha teatra Valeryj Šuškievič. Niekatorym hledačam heta pastanoŭka viadoma pad nazvaj «Dabravieście ad Uładzimira». Śpiektakl «Na Biełarusi boh žyvie» možna budzie ŭbačyć na małoj scenie Kupałaŭskaha teatra 24 vieraśnia. Košt kvitka — 7 rubloŭ.
Taksama kupałaŭcy rychtujuć dźvie premjery.
Siarhiej Kavalčyk, mastacki kiraŭnik Ruskaha teatra, pastavić bal-maskarad «Kryštalovy tuflik» (pavodle znakamitaj «Papiałuški»).
Mastacki kiraŭnik Kupałaŭskaha Mikałaj Pinihin budzie pracavać nad francuzskaj kamiedyjaj «Škoła padatkapłacielščykaŭ». Francuzski dramaturh, scenaryst i akcior Łui Vierniojl napisaŭ adnajmiennuju pjesu ŭ saaŭtarstvie z akcioram Žoržam Beram u 1934 hodzie. Zhodna ź siužetam, francuz Haston Valćje adkryvaje Škołu padatkapłacielščykaŭ, dzie za nievialikaje ŭznaharodžvańnie vučyć uchilacca ad dziaržaŭnych padatkaŭ. Hrošy jamu patrebny, kab nie stracić žonku, jakaja vyrašyła jamu zdradzić…
Cikava, što Pinihin užo staviŭ hetuju pjesu ŭ 2010 hodzie ŭ Sankt-Pieciarburhu na scenie Vialikaha dramatyčnaha teatra imia Taŭstanohava, dzie pracavaŭ da viartańnia ŭ Minsk. Dla pastanoŭki ŭ Kupałaŭskim pierakład tvora z francuzskaj movy admysłova zrabiŭ Andrej Chadanovič.
