5 červienia a 19.00 ŭ małoj zali KZ «Minsk» etna‑hurt «Džambibum» prezentuje svoj druhi albom «Žavaronački».
Na prezentacyi taksama vystupiać hurty «Racyjanalnaja dyjeta», «Harotnica», «Energy», vykanaŭcy Karen Karapiecian, Masud Talibani, Lonia Paŭlonka z «Nahual» dy inšyja cikavyja muzyki.
Viečaryna — dadatkovaja mahčymaść pasłuchać nia tolki muzyku, jakuju stvaraje hurt «Džambibum», ale i muzyku, jakaja padabajecca muzykam‑džambibumaŭcam. Rychtujecca eksperyment z chareahrafijaj, pierformensam, sumiesnym vystupleńniem zaprošanych hurtoŭ razam z «Džambibumam».
«My pastaralisia napoŭnić pieśni ciopłaj stvaralnaj enierhijaj,» — havoryć Nasta, kiraŭnik hurta.
Adnaznačna vyznačyć styl muzyki hurta dosyć składana, bo heta varyjatyŭnaje sumiaščeńnie niekalkich stylaŭ na folkavaj asnovie. Muzyku možna adnieści da folk‑madernu — sučasnaj pieraapracoŭki, pieraŭvasableńniu folka — ci folk‑fusion, kali na bazie folka źmiašana šmat roznych inšych stylaŭ, — heta mohuć być elemienty roku, džazu, rehi i h.d. U šmatlikich pieśniach «Džambibuma» zachoŭvajecca aŭtentyčnaja manera śpievaŭ, ale abramleńnie, instrumenty, aranžyroŭka ŭžo sučasnyja.