Muzej raźmiaściŭsia ŭ budynku byłoj biełaruskaj himnazii, a ciapier siaredniaj škoły numar 1, dzie sam spadar Kit kaliści vučyŭsia, a paźniej pracavaŭ nastaŭnikam i dyrektaram.
4 červienia ŭ Navahradku ŭračysta adkryli muzej Barysa Kita, słynnaha biełaruskaha aśvietnika i hramadzkaha dziejača, amerykanskaha daśledčyka, udzielnika astranaŭtyčnych prahram.
Muzej raźmiaściŭsia ŭ budynku byłoj biełaruskaj himnazii, a ciapier siaredniaj škoły numar 1, dzie sam spadar Kit kaliści vučyŭsia, a paźniej pracavaŭ nastaŭnikam i dyrektaram.
Na imprezie prysutničali nastaŭniki i vučni, pradstaŭniki miascovych uładaŭ, Sajuza biełaruskich piśmieńnikaŭ, zhurtavańnia «Baćkaŭščyna», žychary Navahradku.
Sam Barys Kit, jakomu idzie 99‑ty hod, na ŭračystaść nie pryjechaŭ, choć vielmi chacieŭ.
Barys Kit naradziŭsia ŭ 1910 hodzie ŭ Pieciarburhu, bačyŭ Lutaŭskuju revalucyju. Paśla kastryčnickaha pieravarotu baćka advioz jaho na radzimu — u ciapierašni Karelicki rajon. Paśla zakančeńnia Vilenskaha ŭniversytetu byŭ vykładčykam i dyrektaram Vilenskaj i Navahradzkaj biełaruskich himnazijaŭ. U časie druhoj suśvietnaj vajny ciarpieŭ ad pieraśledu savieckich i nacysckich uładaŭ. Emihravaŭ u ZŠA, dzie realizavaŭ siabie ŭ prahramie astranaŭtyki. Barys Kit — adzin z raspracoŭščykaŭ rakietnaha paliva dla astranaŭtyčnych prajektaŭ. Na Biełarusi znoŭ pabyvaŭ i atrymaŭ pryznańnie na pačatku 1990‑ch hadoŭ, paśla abviaščeńnia niezaležnaści.
