U Minsku z 1 vieraśnia adkryvajecca ruch transpartu pa vuł. K.Cetkin ad vuł. Niamiha da vuł. Kalvaryjskaj. Takaja infarmacyja raźmieščanaja na sajcie dziaržaŭnaj ustanovy «Staličny transpart i suviaź».
Z hetaha pieryjadu ŭvodzicca novaja schiema arhanizacyi ruchu na skryžavańni vuł. K.Cetkin — Niamiha — prasp. Dziaržynskaha. U suviazi z hetym unosiacca źmianieńni ŭ rabotu haradskoha pasažyrskaha transpartu:
— adnaŭlajecca rabota tralejbusnych maršrutaŭ numaroŭ 4, 7, 44, 58, aŭtobusnych maršrutaŭ numaroŭ 46, 78, 151E pa pastajannych trasach z rucham praz vuł. K.Cetkin;
— admianiajecca rabota časovych aŭtobusnych maršrutaŭ numaroŭ 923, 944, 958;
— vykanańnie prypynačnaha punkta «M.Tanka» dla tralejbusnych maršrutaŭ numaroŭ 4, 7, 44, 58, aŭtobusnych maršrutaŭ numaroŭ 46, 78 u kirunku vakzała časova pieranosicca napierad na novuju ŭładkavanuju placoŭku za skryžavańniem z vuł. Karala;
— pieranosicca vykanańnie prypynačnaha punkta «Muzyčny teatr» dla tralejbusnych maršrutaŭ numaroŭ 12, 40, 53, aŭtobusnych maršrutaŭ numaroŭ 23, 57, 74S pry ruchu ŭ kirunku vuł. Ščorsa na raniejšaje miesca na prasp. Dziaržynskaha (za pł. F.Bahuševiča);
— adnaŭlajecca vykanańnie prypynačnaha punkta «Muzyčny teatr» pry ruchu z boku vakzała dla tralejbusnaha maršrutu numar 36 (na prasp. Dziaržynskaha), aŭtobusnaha maršrutu numar 151E (na vuł. K.Cetkin).
Pasažyram, jakija majuć šmatrazovyja prajaznyja dakumienty na aŭtobus, pradastaŭlajecca prava prajezdu biez dadatkovaj apłaty ŭ tralejbusach maršrutaŭ numaroŭ 4, 7, 44, 58 na ŭčastkach, jakija dublirujucca, da 1 kastryčnika.
