Piensijanierka praviała amal sutki ŭ zakinutym lasnym kałodziežy ŭ Ščučynskim rajonie, paviedamili ŭ Hrodzienskim abłasnym upraŭleńni MNS.
Žycharka vioski Novaja Ražanka 25 žniŭnia adpraviłasia ŭ les pa hryby, adnak dadomu nie viarnułasia. Pošuki 75-hadovaj maci pačaŭ syn, jaki nie zmoh datelefanavacca joj ni viečaram, ni siońnia ranicaj, i adpraviŭsia ŭ viosku. Ad žycharki adnoj z navakolnych viosak syn daviedaŭsia, što ź lesu danosilisia pryhłušanyja huki, padobnyja na hołas čałavieka. Vyrašyŭšy, što heta pierakrykvajucca hrybniki, žančyna nie nadała hetamu značeńnia. Syn adpraviŭsia na mahčymaje miesca zdareńnia i znajšoŭ maci. Jon patelefanavaŭ ratavalnikam, jakija dapamahli dastać žančynu z 9-mietrovaha kałodzieža. Na ščaście, u im amal nie było vady.
Paciarpiełaja dastaŭlenaja ŭ rajonnuju balnicu.
