Niepaŭnahadovy chłopiec trapiŭ pad ciahnik Vilnia—Minsk na stancyi Ašmiany ŭ Hrodzienskaj vobłaści, paviedamiŭ supracoŭnik pres-słužby Ministerstva ŭnutranych spraŭ Alaksandr Marčanka.
«Mašynist padavaŭ sihnały, ale małady čałaviek byŭ vielmi zachopleny svaim telefonam. Dziakujučy ekstrannamu tarmažeńniu chutkaść ciahnika źniziłasia, ale sutyknieńnia paźbiehnuć nie ŭdałosia. Junaka adkinuła na nasyp, dzie jon atrymaŭ lohkija paškodžańni», — udakładniŭ Marčanka.
Z pačatku hoda na BČ adbyłosia 78 niaščasnych vypadkaŭ, ź ich 52 — sa śmiarotnym zychodam. «U čarhovy raz nahadvajem hramadzianam pra nieabchodnaść być uvažlivymi, nie adciahvacca i vykonvać praviły biaśpieki pry pierasiačeńni čyhunačnych šlachoŭ», — padkreśliŭ supracoŭnik pres-słužby MUS.
