Premjera ŭnikalnaj «Siuity biełaruskaj» adbudziecca na finalnym kancercie «Kłasika kala Ratušy z velcom» 27 žniŭnia. Pra heta paviedamili arhanizatary prajekta.
Muzyčny tvor «Siuita biełaruskaja» kampazitara Ludviha Rahoŭskaha, napisanaja ŭ samym pačatku XX stahodździa, nikoli raniej nie vykonvałasia publična. Dla taho kab paznajomić haściej z hetaj tvorčym spadčynaj, admysłova była arhanizavanaja kvest-ekskursija «Minsk muzyčny». Vykonvajučy zadańni kvestu i pieramiaščajučysia ad adnoj łakacyi maršrutu da inšaj, udzielniki pavinny byli pa notach sabrać niekalki pačatkovych taktaŭ tvoru. Na rolu hida i viadučaha byŭ zaprošany salist i režysior Nacyjanalnaha akademičnaha Vialikaha teatra opiery i baleta Biełarusi Viktar Skarabahataŭ. Mienavita jon i prapanavaŭ arhanizavać na fiestyvali premjeru «Siuity biełaruskaj».
«Rola muzyčnaha mastactva zaklučajecca nie tolki ŭ tym, kab daryć słuchaču jarkija momanty i emocyi ad sustrečy z pryhožym. Adukoŭvać, adkryvać nieviadomyja fakty, niezasłužana zabytyja imiony, stračanyja tvory — usio heta nie mienš važna, asabliva dla biełaruskaha mastactva, ź jakoha ŭ siłu histaryčnych abstavinaŭ akazalisia vyrvanymi cełyja raździeły. Padziei, padobnyja fiestyvalu «Kłasika la Ratušy z velcom», dajuć nam padstavu jašče i jašče raz uspomnić pra samabytnaść našaj kultury, pra toje miesca, jakoje jana pa pravie zajmała i praciahvaje zajmać u suśvietnym maštabie», — adznačyŭ Viktar Skarabahataŭ.
Vybar tematyki zaklučnaj padziei rastłumačyŭ pradziusar fiestyvalu Alaksandr Čachoŭski. Pavodle jaho słoŭ, muzyka biełaruskich kampazitaraŭ hučała i na papiarednich kancertach. Adnak arhanizatary vyrašyli pryśviacić joj asobnaje mierapryjemstva, pryčym mienavita finalnaje, jaki takoje, što padvodzić vynik usiamu fiestyvalu. «Tym samym my imkniemsia nahladna prademanstravać hledačam i słuchačam, što biełaruskija kampazitary vartyja stajać u adnym šerahu z suśvietnymi muzykami, čyje tvory hučali na praciahu ŭsiaho fiestyvalnaha marafonu», — padkreśliŭ jon.
Na zaklučnym kancercie «Kłasiki la Ratušy» ŭ vykanańni MuzzicDom Orchestra pad kiraŭnictvam maestra Ivana Kaściachina prahučyć akademičnaja muzyka kampazitaraŭ-uradžencaŭ Biełarusi. U prahramie voźmuć udzieł Marharyta Laŭčuk (saprana), Arciom Chamičonak (baryton), Viktar Miendzieleŭ (tenar), Vieranika Pradzied (cymbały).
