 |
Takija vyniki narady ŭ prezidenta krainy Alaksandra Łukašenki pa pytańniach raźvićcia ahulnaj siaredniaj adukacyi. Ab hetym paviedamiŭ žurnalistam pieršy namieśnik kiraŭnika Administracyi prezidenta Biełarusi Anatol Rubinaŭ.
Pavodle jaho słoŭ, pierachod da 11‑hadovaj ahulnaj siaredniaj adukacyi dobra raspłanavany i nie pryviadzie da ŭzrušeńniaŭ. «Usio lepšaje, što napracavana ŭ škole, zachavajecca. Pryncypy źmianieńniaŭ, jakija prapanujecca zamacavać dekretam, u tym, kab nie ŭvodzić novaŭviadzieńni, pryznanyja niemetazhodnymi, ale pry hetym nie admaŭlacca ad napracavanaha, kab nie rabić łomki ŭ škole», — skazaŭ Anatol Rubinaŭ.
Zadača siońniašniaj škoły — palepšyć jakaść adukacyi nie za košt pierahruzki vučniaŭ, pavieličeńnia kolkaści hadzin i vučebnych hadoŭ, a za košt palapšeńnia jakaści padručnikaŭ, vykładčyckaha pracesu, padkreśliŭ jon.
Zaniepakojenaść, što vykazvajecca ŭ hramadstvie nakont dvajnoha vypusku vučniaŭ u nastupnym hodzie, Anatol Rubinaŭ nazvaŭ nieapraŭdanaj. Pavodle jaho słoŭ, staršakłaśniki, jakija pavinny byli stać apošnim vypuskam 11‑hodki i pieršym vypuskam 12‑hodki, źjaŭlajucca adnahodkami. Adbyłosia heta z‑za taho, što ŭ 1998 hodzie dziaciej prymali ŭ škołu jak u padrychtoŭčy kłas z 6 hadoŭ (na 12‑hadovy termin), tak i ŭ pieršy kłas z 7 hadoŭ (na 11‑hadovy termin).
U čas narady prezident padkreśliŭ, što nieabchodna źviarnuć uvahu na sistemu centralizavanaha teściravańnia. Zadańni dla testaŭ nie pavinny być vielmi składanyja, a aryjentavanyja na ŭzrovień zvyčajnaj siaredniaj škoły.
Isnuje prablema i z padrychtoŭkaj padručnikaŭ, jakija nieabchodna zrabić zrazumiełymi i dastupnymi dzieciam. Anatol Rubinaŭ padkreśliŭ taksama, što «hałoŭnaja zadača škoły padrychtavać nie prosta śpiecyjalista, a paŭnacennaha hramadzianina, hatovaha ŭstupić u žyćcio i dalej nabyvać nieabchodnyja viedy».‑
