Halivudski akcior i miljanier Styvien Sihał stanie žycharom kompleksu «Majak Minska». Svajo rašeńnie jon patłumačyŭ nastupnym čynam: «Mnie vielmi spadabaŭsia dom «Pikasa». Ź jaho voknaŭ adkryvajecca vydatny vid na Nacyjanalnuju biblijateku, park i bulvar Pikasa. Ja zabraniravaŭ tut uvieś žyły pavierch».
Sihał apynuŭsia ŭ ofisie kampanii Dana Holdings i nadzvyčaj upadabaŭ sučasnuju biełaruskuju architekturu.
«Heta vydatny prajekt! Mnie padabajecca «Majak Minska», jaho kancepcyja sučasnaha horada z bujnym handlovym i biznes-centram, a taksama škołaj i dziciačymi sadami prosta na terytoryi kompleksu», — cytuje Sihała BiełTA.
Da Biełarusi ŭ Styviena Sihała asablivaje staŭleńnie. Jak śćviardžaje akcior, tut jaho karani. Tak što jaho žadańnie abzavieścisia ŭ našaj krainie žyllom možna ličyć viartańniem na histaryčnuju radzimu.
«Padobnyja prajekty ja bačyŭ tolki ŭ Abjadnanych Arabskich Emiratach, Fłarydzie i Sinhapury», — skazaŭ akcior ab prajektach kampanii Dana Holdings. «Takija kompleksy dapamahajuć jaho žycharam istotna ekanomić čas na darohu: u ofis, fitnies-centr, škołu, apteku i hetak dalej. Chutka minčanie aceniać usie pieravahi» horad-u-horadzie «i popyt na jaho pačnie značna raści», - dadaŭ amierykanski kinaakcior.
Styvien Sihał taksama vykazaŭ namier stać partnioram i inviestaram kampanii Dana Holdings. Jon źbirajecca inviestavać šmat miljonaŭ dalaraŭ.
