U bazie źviestak biełaruskich pamiežnikaŭ — 260 tys. nievyjaznych

Baza źviestak nievyjaznych asob pamiežnaj słužby Biełarusi naličvaje 260 tys. čałaviek. Pra heta 5 červienia paviedamiŭ pieršy namieśnik staršyni Dziaržaŭnaha pamiežnaha kamitetu Vadzim Zajcaŭ na sustrečy z rasiejskimi žurnalistami padčas pres‑turu pa Biełarusi.

Praŭda, jon padkreśliŭ, što baza biełaruskich pamiežnikaŭ taksama ŭklučaje źviestki, što pradastaŭlajucca rasiejskim bokam, a taksama infarmacyju pra asobaŭ, što znachodziacca ŭ vyšuku Interpołam dy inšych mižnarodnych struktur.

«Analahičnyja bazy isnujuć va ŭsich dziaržavach, dzie stvorany systemy aŭtamatyzavanaha pašpartnaha kantrolu. Jany pa‑roznamu funkcyjanujuć, ale jość, naprykład, adzinaja eŭrapiejskaja baza źviestak. I ŭsie 100% asobaŭ, jakija vyjaždžajuć na terytoryju ES, padlahajuć kantrolu, i dakładna taksama biez daj pryčyny pamiežnaha viedamstva im admaŭlajuć va ŭjeździe na terytoryju Eŭrasajuzu», — skazaŭ Vadzim Zajcaŭ.

naviny.by

0

0

0

0

0

0