Fota: cdn2.macworld.co.uk
Troje pazoŭnikaŭ — Tod Kliry, Jun Baj i Tomas Devidsan — źviazvajuć zavisańnie ekranaŭ na novych smartfonach z tym, što Apple vyrašyŭ nie vykarystoŭvać mietaličny «ščyt», jaki vykarystoŭvaŭsia ŭ iPhone 5. Jany vinavaciać kampaniju ŭ machlarstvie i parušeńni zakonaŭ ab abaronie pravoŭ spažyŭcoŭ i patrabujuć pakryć straty.
U Apple nie zmahli apieratyŭna adkazać Reuters na zapyt ab kamientary.
Prablema z zavisańniem ekranaŭ iPhone 6 i iPhone 6 Plus, jakaja atrymała nazvu «chvaroba tača» (Touch Disease), była apisana na minułym tydni na sajcie iFixit — kampanii, jakaja pradaje zapasnyja častki dla hadžetaŭ Apple i analizuje pradukcyju kampanii.
Tak, «chvaroba tača» źjaŭlajecca tolki na iPhone 6 i iPhone 6 Plus prykładna praz hod ich vykarystańnia. Ekran pierastaje reahavać na dotyki, naviersie moža źjaŭlacca biełaja pałoska, pryčym zamiena ekrana nie vyrašaje prablemu.
