Junaja žycharka štata Juta Arjana Hurdzin paabiacała «ŭsio žyćcio zabivać žyvioł» u adkaz na krytyku svaich zdymkaŭ ź miortvym žyrafam. Pra heta paviedamlaje The Independent.
Fota z fejsbuka Arjany Hurdzin
Dziaŭčynka razam z baćkam adpraviłasia na safary ŭ Paŭdniovuju Afryku, dzie zastreliła niekalkich ekzatyčnych žyvioł, u tym liku žyrafu. Paśla publikacyi fatahrafij z trafiejami ŭ fejsbuku, 12-hadovuju palaŭničuju raskrytykavali internet-karystalniki, jany nazvali jaje pavodziny «chvorymi» i «ahidnymi». Paźniej administracyja Facebook vydaliła zdymki za parušeńnie praviłaŭ sacsietki.
U adkaz na kamientary dziaŭčynka paraiła chiejtaram pieražyć toje ž, što i jana, a taksama paklałasia nie kidać palavańnie i «zabivać žyvioł usio svajo žyćcio».
U svaju čarhu, jaje baćka adznačyŭ, što zastrelenaja žyrafa ŭjaŭlała pahrozu dla surodzičaŭ, a miasam nakarmili 800 miascovych sirot.
