MZS Uźbiekistana apublikavaŭ na svaim sajcie śviatočnaje vinšavańnie ad imia kiraŭnika krainy Isłama Karymava z nahody 25-hodździa dziaržaŭnaj niezaležnaści Uźbiekistana.
Vinšavańnie vielmi vialikaje, u pieršym abzacy, u pryvatnaści, adznačajecca: «Ščyra, ad usiaho serca vinšuju ŭsich vas, uvieś naš narod sa śviatam 25-hodździa dziaržaŭnaj niezaležnaści Uźbiekistana, jakaja adkryła novuju staronku ŭ šmatviakovaj historyi našaj krainy, vyzvaliła jaje ad kajdanoŭ tatalitarnaha ładu, dała nam mahčymaść pabudovy svabodnaha i ščaślivaha žyćcia».
Apošnija dni źviestki pra stan zdaroŭja kiraŭnika Uźbiekistana dosyć supiarečlivyja.
U paniadziełak sa słoŭ adnoj ź jaho dačok, Łoły Karymavaj-Cilajevaj, stała viadoma, što ŭ prezidenta Uźbiekistana — insult.
Viečaram paniadziełka sajt «Fierhana.ru» paviedamiŭ, što Isłam Karymaŭ pamior, ale zatym hetu infarmacyju abvierhli rasijskija ŚMI sa spasyłkaj na svaje krynicy ŭ Taškiencie.
Razam z tym častka mierapryjemstvaŭ z nahody 25-hodździa niezaležnaści admienienaja.
