Uładzimir Makiej. Fota: belprauda.org
U Bracisłavie Makiej voźmie ŭdzieł u niefarmalnaj sustrečy ministraŭ zamiežnych spraŭ krain — členaŭ Jeŭrapiejskaha sajuza i krain — udzielnic inicyjatyvy «Uschodniaje partniorstva», u miežach jakoj płanujecca abmierkavańnie rehijanalnaj situacyi i pierśpiektyŭ raźvićcia inicyjatyvy.
Heta ŭžo druhi jeŭrapiejski vizit ministra zamiežnych spraŭ za apošnija dni. Tak, 1 vieraśnia Makiej znachodziŭsia ŭ niamieckim Patsdamie, dzie ŭdzielničaŭ u niefarmalnaj sustrečy kiraŭnikoŭ MZS ABSIE. Ministr «prainfarmavaŭ pra bačańnie Biełarusi adnosna raźvićcia situacyi ŭ śfiery biaśpieki ŭ rehijonie ABSIE, adznačyŭšy, u pryvatnaści, rost napružanaści i roznych pahroz». Makiej zaklikaŭ partnioraŭ pa ABSIE «da sumiesnych dziejańniaŭ pa adnaŭleńni žyćciazdolnaści režymu kantrolu nad zvyčajnymi ŭzbrajeńniami ŭ Jeŭropie, harmanizacyi intehracyjnych pracesaŭ i ŭrehulavańni isnych kanfliktaŭ, uklučajučy ŭkrainski kryzis, i paćvierdziŭ hatoŭnaść Biełarusi ŭsialak sadziejničać hetym pracesam».
