Pra heta havorycca ŭ paviedamleńni pres-aficera Frunzienskaha RUUS Natalli Askirka, raźmieščanym na sajcie HUUS Minharvykankama.
Aŭtamašyna VAZ 21013, jakaja naležyć 75-hadovamu žycharu stalicy, znachodziłasia na prasp. Puškina. Dvoje pjanych chłopcaŭ złamali zamok aŭtamabila i adpravilisia na im u Brest, kab pahladzieć futbolny matč. Pa darozie dadomu ŭ Minsk u ich skončyŭsia bienzin. Hrošaj na paliva ŭ pryjacielaŭ nie znajšłosia, i dajechać jany zmahli tolki da Baranavičaŭ.
Chłopcaŭ zatrymali supracoŭniki kryminalnaha vyšuku Frunzienskaha RUUS. U dačynieńni da maładych ludziej raspačataja kryminalnaja sprava pa č.2 st.214 Kryminalnaha kodeksa (vykradańnie transpartnaha srodku), im pahražaje pakarańnie ŭ vyhladzie pazbaŭleńnia voli terminam da 7 hadoŭ. Raniej adzin z zatrymanych pryciahvaŭsia da kryminalnaj adkaznaści za anałahičnaje złačynstva, a druhi — za zabojstva i rabavańnie.
