Kadr ź filma «Vyžyły»
Pažyły japonski karatyst vyjšaŭ pieramožcam u sutyčcy z himałajskim miadźviedziem. Pra heta ŭ piatnicu, 2 vieraśnia, paviedamlaje vydańnie The Mainichi.
63-hadovy ŭładalnik čornaha pojasa pa karate rybačyŭ ŭ pravincyi Huma. Nijakaj zbroi ŭ jaho z saboj nie było, tamu adbivacca ad miadźviedzia, jaki vyjšaŭ ź lesu, pryjšłosia ŭrukapašnuju. Paśla niekalkich udaraŭ u vobłaść vačej žyviolina uciakła.
Rybak atrymaŭ traŭmy ad zuboŭ i kipciuroŭ źviera, ale zmoh dabracca da balnicy samastojna.
Miascovy ŭrad zajaviŭ, što miadźviedzi časta źniščajuć fiermy i kraduć ŭradžaj u rehijonie, ale vypadkaŭ napadaŭ na ludziej tut daŭno nie było. Paśla napadu na rybaka byli ŭzmocnienyja miery biaśpieki, miascovy palaŭničy kłub paabiacaŭ rasstavić pastki.
U červieni ŭ japonskaj pravincyi Akita adbyłasia čarada napadaŭ miadźviedzia-ludajeda na miascovych žycharoŭ. Viadoma jak minimum pra čatyroch achviaraŭ.