Fota: timedotcom.files.wordpress.com
Cieła prezidenta Uźbiekistana, pra śmierć jakoha ŭłady krainy paviedamili napiaredadni, adpravili z Taškienta ŭ Samarkand, paviedamlaje TASS. U Samarkandzie 3 vieraśnia adbudziecca pachavańnie Isłama Karymava.
Jak adznačaje ahienctva, u aeraporcie Taškienta žałobny kartež sustreli bolš za tysiaču čałaviek. Truna ź ciełam Karymava była nakryta biełym pałancinam i nacyjanalnym ściaham krainy, pracesiju supravadžała rota desantnikaŭ, duchoŭnyja asoby i svajaki Karymava.
Na terytoryju aeraporta trunu zanieśli vajskoŭcy, jana była adpraŭlenaja ŭ Samarkand. Pavietranaja prastora nad hetym horadam dla hramadzianskich rejsaŭ ciapier zakryta, adznačaje TASS.
Jak paviedamlaŭ karespandent RBK z Taškienta, ranicaj u subotu, 3 vieraśnia, uzdoŭž trasy, pa jakoj jechaŭ žałobny kartež, vystrailisia niekalki tysiač čałaviek z kvietkami ŭ rukach.
Kali kartež prajazdžaŭ mima ludziej, jany kidali pad koły aŭtamabilaŭ kvietki, mnohija — płakali.