Ukrainskaje KB «Pramień» praviało vyprabavańni kiravanaj rakiety. Videazapis pusku byŭ apublikavany na aficyjnaj staroncy kanstruktarskaha biuro.
Na staroncy pryvodzicca vykazvańnie sakratara Rady nacyjanalnaj biaśpieki i abarony Ukrainy Alaksandra Turčynava: «U adroźnieńnie ad rasijskich anałahaŭ, ukrainskija rakiety aryjentujucca i, takim čynam, traplajuć u celi bolš efiektyŭna i dakładna, što było dakazana ŭ chodzie vyprabavańniaŭ».
Prezident Ukrainy Piatro Parašenka na svajoj staroncy ŭ fejsbuku pavinšavaŭ KB «Pramień» z paśpiachovym vyprabavańniem rakiety: «Na praciahu dvuch hadoŭ ukrainskija vajennyja atrymali dziasiatki uzoraŭ novaha ŭzbrajeńnia i techniki. I my tolki ŭ samym pačatku pracesu techničnaj madernizacyi USU».
Raniej ukrainskija vajennyja ekśpierty adznačali, što novaja rakieta moža stać zamienaj taktyčnamu rakietnaha kompleksu «Kropka», pakolki vałodaje bolšaj dakładnaściu pry mienšaj bajavoj častcy.