Fota z fejsbuka Źmitra Daškieviča
Hramadski aktyvist Źmicier Daškievič, jaki siońnia a 12-j płanavaŭ la ŭniviersama «Centralny» pravieści vialikuju akcyju z publičnymi podpisami za nadańnie bieł-čyrvona-biełamu ściahu statusu histaryčnaj kaštoŭnaści, paviedamiŭ u svaim fejsbuku, što nieviadomyja akružyli dom, dzie jon žyvie, i sam jon znoŭ apynuŭsia pad pahrozaj zatrymańnia.
«Što zrobiš, jość u mianie takaja zvyčka - u dzień akcyi źnikać u nieviadomym nakirunku. Praz hadzin niekalki ja materyjalizujusia na vychadzie ź Pieršamajskaha RAŬSa. De-jure, mianie ŭ RUUSie nikoli nie byvaje; de-fakta, ja siadžu tam paŭdni. … I voś siońnia, za dźvie hadziny da adkryćcia pikietu pa publičnym padpisańni za #našściah voŭčaja zhraja kružyć vakoł našaj chaty i poklič da materyjalizacyi pačynaje napaŭniać usiu maju sutnaść. Kali ja źniknu iznoŭ, nie chvalujciesia - jašče nikoli nie było tak, kab ja nie materyjalizavaŭsia na jakim-niebudź vychadzie jakoha-niebudź RUUSa», — napisaŭ Daškievič.
«U lubym vypadku: a 12 hadzinie la ŭniviersama «Centralny» raspačniecca naš štodzionny pikiet za bieł-čyrvona-bieły ściah - prychodźcie i padpisvajciesia!», — dadaŭ Źmicier Daškievič.
***
Nahadajem, što 19 vieraśnia, u dzień 25-ja ŭhodki pastanovy Viarchoŭnaha Savieta ab dziaržaŭnych simvałach Źmicier Daškievič z paplečnikami arhanizavaŭ kala stancyi mietro «Kastryčnickaja» zbor podpisaŭ pad pietycyjaj-zvarotam u Ministerstva kultury za nadańnie bieł-čyrvona-biełamu ściahu statusu histaryčnaj kaštoŭnaści.
