U Babrujsku kala 50 čałaviek uziali ŭdzieł 7 kastryčnika ŭ pikiecie «Za hodnuju pracu», arhanizavanym miascovymi aktyvistami niezaležnaha prafsajuza REP.
Pikiet 7 kastryčnika na vulicy Uryckaha kala ŭvachodu na stadyjon «Słavianka» byŭ sankcyjanavany Babrujskim harvykankamam. Arhanizatary byli vymušanyja zapłacić kala 200 rubloŭ za pasłuhi milicyi.
Akcyja pačałasia kala 16.30 i praciahvałasia dźvie hadziny, raspaviała BiełaPAN arhanizatar pikieta, lidar Babrujskaj arhanizacyi prafsajuza REP Halina Śmirnova. Jana adznačyła, što prachožyja padychodzili da ŭdzielnikaŭ akcyi i vykazvali svajo abureńnie ekanamičnaj situacyjaj u krainie.
Ekscesaŭ nijakich nie było, adznačyła aktyvistka. Nichto nie byŭ zatrymany.
Pavodle jaje słoŭ, ciapier važna aktyvizavać ludziej u baraćbie za hodnuju pracu. «Treba pakazvać ludziam, što maŭčać nielha, inakš z nami buduć rabić usio što zaŭhodna», — skazała lidar babrujskaj supołki REP, źviarnuŭšy ŭvahu na šerah źmianieńniaŭ zakanadaŭstva, jakija paharšajuć, na jaje dumku, žyćcio ludziej.