Biełaruskamu knihadruku amal 500 hadoŭ. I za hety čas na našaj terytoryi byli vydadzienyja tysiačy najmieńniaŭ knih — papularnych i nie vielmi, mastackich i publicystyčnych, na movach, što byli dziaržaŭnymi ŭ roznyja časy ŭ našaj krainie, a taksama na zamiežnych. Jany vydavalisia z roznaj intensiŭnaściu, na što ŭpłyvali abstaviny i źniešnija, i ŭnutranyja. I ŭsie hetyja knihi źjaŭlajucca našaj kulturnaj spadčynaj, adnaŭleńniem, papaŭnieńniem i ŭzbahačeńniem jakoj zajmajecca ŭžo siońniašniaje pakaleńnie biełarusaŭ.
Z nahody słavutaha dla našaha naroda jubileju, jaki histaryčna śviedčyć pra biełarusaŭ jak prahresiŭnuju i adukavanuju nacyju, Zhurtavańnie «Baćkaŭščyna» i Sajuz biełaruskich piśmieńnikaŭ u miežach abvieščanaj kampanii «Piacisothodnaść» zaprašajuć razam skłaści rejtynh najbolš znakavych knih za 500 hadoŭ biełaruskaha knihadruku.
Arhanizatary prosiać vyznačyć nie lepšuju, a najbolš važnuju knihu dla našaj krainy: aŭtarskuju ci pierakładnuju, reniesansnuju ci novačasnuju, samaje hałoŭnaje — tuju, što zrabiła ŭ svoj čas upłyŭ na hramadstva ci na peŭnuju śfieru i paŭpłyvała na farmavańnie biełaruskaj nacyi.
Prapanujem jak asnovu dla abmierkavańnia śpis z 50-ci knih.
Dapoŭnicie jaho ŭ kamientarach inšymi najmieńniami, jakija vy ličycie važnymi i jakija, na vašu dumku, vartyja taho, kab trapić u 20 samych važnych knih za piacisothodździe. Śpis zakryvajecca 23 kastryčnika, a 24-ha my abvieścim hałasavańnie i budziem razam vybirać TOP-20 znakavych knih Biełarusi.
1. Francysk Skaryna — «Biblija»
2. Fancysk Skaryna — «Małaja padarožnaja knižyca»
3. Symon Budny — «Katiechizis»
4. Vasil Ciapinski — «Jevanhielle»
5. Mikoła Husoŭski — «Pieśnia pra zubra»
6. «Statut Vialikaha kniastva Litoŭskaha»
7. Jan Viślicki — «Pruskaja vajna»
8. Andrej Vołan — «Ab palityčnaj i hramadzianskaj svabodzie»
9. Simiaon Połacki — «Sad šmatkolerny»
10. Sałamieja Pilštynava — «Avantury majho žyćcia»
11. Kazimir Łaščynski — «Traktat ab nieisnavańni Boha»
12. Adam Mickievič — «Dziady»
13. Adam Mickievič — «Pan Tadevuš»
14. Jan Barščeŭski — «Šlachcič Zavalnia, abo Biełaruś u fantastyčnych apaviadańniach»
15. Ivan Nasovič — «Słoŭnik biełaruskaj havorki»
16. Vincent Dunin-Marcinkievič — «Pinskaja šlachta»
17. Francišak Bahuševič — «Dudka biełaruskaja»
18. Jaŭchim Karski -«Biełorusy»
19. Janka Kupała — «Žalejka»
20. Jakub Kołas — «Novaja ziamla»
21. Maksim Bahdanovič -«Vianok»
22. Vacłaŭ Łastoŭski — «Padručny rasijska-kryŭski (biełaruski) słoŭnik»
23. Maksim Harecki — «Na impierycialistyčnaj vajnie»
24. Ihnat Abdzirałovič (Kančeŭski) — «Adviečnym šlacham»
25.Jadvihin Š. — «Zołata»
27. Łukaš Kaluha — «Niadola Zabłockich»
28. Natalla Arsieńjeva — «Pad sinim niebam»
29. Andrej Mryj — «Zapiski Samsona Samsuja»
30. Uładzimir Žyłka — «Na rostani»
31. Michaś Zarecki — «Hoły źvier»
32. Francišak Alachnovič — «U kipciurach HPU»
33. Kuźma Čorny — «Siastra»
34. Siarhiej Piasiecki — «Kachanak Vialikaj Miadźviedzicy»
35. Uładzimir Duboŭka — «Vybranyja tvory»
36. Ivan Mielež — «Ludzi na bałocie»
37. Janka Bryl — «Zołak, ubačany zdalok»
38. Janka Bryl, Aleś Adamovič, Uładzimir Kaleśnik — «Ja z vohniennaj vioski»
39.Vasil Bykaŭ — «Znak biady»
40.Michaś Stralcoŭ — «Vybranaje»
41. Uładzimir Karatkievič — «Kałasy pad siarpom tvaim»
42. Łarysa Hienijuš — «Spoviedź»
43. Janka Juchnaviec — «Jano»
44. Śviatłana Aleksijevič — «U vojny nie žienskoje lico»
45. Mikoła Ŭłaščyk — «Była takaja vioska»
46. Jan Piatroŭski — «Platon» (knihi dyjałohaŭ Płatona, pierakładzienyja z starahreckaj movy).
47. Alaksandr Hrycanaŭ — «Istorija fiłosofii» (encykłapiedyja)
48. Ryhor Baradulin — «Zdubaviećcie»
49. Uładzimir Abušenka — «Osnovanija kultursociołohii»
50.Uładzimir Konan — «Adam Babareka»
