U Biełarusi, jak i inšych krainach byłoha SSSR, adznačajecca źnižeńnie repraduktyŭnaha patencyjału žančyn, zajaviła zahadčyca kafiedry akušerstva i hiniekałohii Biełaruskaha dziaržaŭnaha mieduniviersiteta Ludmiła Mažejka 21 kastryčnika ŭ Minsku na respublikanskaj navukova-praktyčnaj kanfierencyi «Sučasnyja pierynatalnyja miedycynskija technałohii ŭ vyrašeńni prablem demahrafičnaj biaśpieki».
Zhodna sa słovami miedyka, heta abumoŭlena nizkimi pakazčykami zdaroŭja žančyn dzietarodnaha ŭzrostu, značny pracent jakich pakutuje na chraničnyja u tym liku hiniekałahičnyja, zachvorvańniami.
Mažejka taksama adznačyła, što admoŭna na repraduktyŭnaj funkcyi adbivajecca nizki ŭzrovień kultury i daśviedčanaści žančyn u pytańniach zdaroŭja, niedastatkovaja asabistaja adkaznaść za svajo zdaroŭje i zdaroŭje dziaciej.
Padletki pačynajuć seksualnaje žyćcio rana, adbyvajecca častaja źmiena pałavych partnioraŭ, moładź schilnaja da škodnych zvyčak, nie vykarystoŭvaje sučasnyja srodki kantracepcyi ŭ naležnaj miery. «Tamu, — skazała Mažejka, — čaściej za ŭsio ŭ našych žančyn ciažarnaść uźnikaje spantanna».
Doktarka zaŭvažyła, što daloka nie ŭsie žančyny ŭ poŭnaj miery aceńvajuć važnaść padrychtoŭki da ciažarnaści. Heta vyklikaje prablemy ŭ jaje praciakańni. Naprykład, sučasny padychod — heta pryznačeńnie ŭsim žančynam, jakija płanujuć ciažarnaść, falijnaj kisłaty z metaj dasiahnieńnia nieabchodnych pakazčykaŭ ŭzroŭniu fałataŭ. Niedachop falijnaj kisłaty vyklikaje defiekt niervovaj trubki, jakaja farmirujecca ŭ pieršyja 28 dzion paśla začaćcia.
Mažejka pakazała na raspaŭsiudžanaść chraničnych zapalenčych zachvorvańniaŭ u žančyn. U vyniku takich pracesaŭ orhanaŭ małoha taza ŭ 30% žančyn parušajecca abo navat hublajecca fiertylnaść, a ŭ pałovy — vysokaja imaviernaść raźvićcia pazamatkavaj ciažarnaści.
U krainie nie źnižajecca dola biaspłodnych šlubaŭ. Pa acency Ministerstva achovy zdaroŭja, udzielnaja vaha biaspłodnych par u Biełarusi dasiahaje 16%.
Mažejka adznačyła, źviartajučysia da lekaraŭ, što važna svoječasova dyjahnastavać i lačyć zachvorvańni repraduktyŭnaj śfiery.
Jana ličyć, što z ulikam usich faktaraŭ nieabchodna nadavać uvahu padrychtoŭcy da začaćcia, a taksama žančynam u 1-m trymiestry ciažarnaści. Heta daje mahčymaść «nie tolki prahnazavać imaviernaść uskładnieńniaŭ, ale i spyniać ciažarnaść na rańnich terminach u vypadkach vysokaj ryzyki maciarynskaj śmiarotnaści i niežyćciazdolnaści płoda».
