Vajskovyja śviatary Centralnaj vajennaj akruhi (CVA) na samalocie PKS Rasii Tu-134 UBŁ upieršyniu praviali pavietrany chresny chod. Maršrut pravasłaŭnaha palotu pralahaŭ nad Čelabinskaj vobłaściu.
Kadr z videa TASS
«U Čelabinsku prachodzić zbor vajennaha duchavienstva na bazie Čelabinskaha vyšejšaha vajennaha avijacyjnaha kamandnaha vučylišča šturmanaŭ. Nam pryjšła ideja pravieści pavietrany chresny chod. Na samalocie Tu-123 UBŁ znachodziłasia bolš za 30 śviataroŭ, jakich padtrymaŭ svajoj prysutnaściu mitrapalit Čelabinski i Złatavustaŭski Nikadzim», — skazaŭ načalnik adździeła pa pracy ź vierujučymi vajskoŭcami Štaba CVA Ihar Ahafonaŭ.
Na bort z saboj śviatary ŭziali ikonu i moščy śviatoha Hieorhija Pieramožcy. «Takoje adbyvajecca ŭpieršyniu, a pakolki zastupnikam vajennaha sasłoŭja źjaŭlajecca śviaty vielikamučanik Hieorhij Pieramožca, my ŭziali z saboj čaścicy jaho moščaŭ. Uvieś palot my čytali akafist Hieorhija, prasili jaho, kab našy vajskoŭcy prachodzili słužbu lohka, kab ziamla była słaŭnaja, kab usie my žyli ŭ miry i ščaśliva. My achinuli čelabinskuju ziamlu niabiosnym dabrasłavieńniem, malitvaj z pavietra», — skazaŭ mitrapalit Nikadzim, dadaŭšy, što terminovuju słužbu ŭ vojsku jon prachodziŭ u VPS.
Chresny chod doŭžyŭsia kala 2 hadzin na vyšyni 3,5 tysiačy mietraŭ. Tu-134 UBŁ ździejśniŭ palot z avijabazy Šahoł, a maršrut pralahaŭ pa ŭsioj Čelabinskaj vobłaści — nad Čelabinskam, Mahnitahorskam, Załatavustam, Troickam i Uść-Katavam.
