Hruz dastaŭleny viečaram 19 kastryčnika z porta Supsa tankieram ALHANI (daŭžynia maks. — 249 m, ściah — Livija). Paśla adkatki ŭ bierahavyja jomistaści adnoj z adeskich naftabaz, nafta budzie adpraŭlacca čyhunačnymi cysternami na Mazyrski NPZ.
U pres-słužbie kancerna «Biełnaftachim» ahienctvu BiełTA paćvierdzili infarmacyju pra toje, što ŭ bližejšy čas Mazyrski NPZ atrymaje partyju azierbajdžanskaj nafty. «Sapraŭdy, u porcie Adesy vyhružanaja partyja azierbajdžanskaj nafty, pryznačanaja dla pierapracoŭki na Mazyrskim NPZ. Jaho technałahičnaja asnaščanaść dazvalaje pierapracoŭvać roznyja hatunki nafty», — zajavili ŭ kancernie.
Jak adznačyli ŭ pres-słužbie, «Biełaruś prapracoŭvaje roznyja varyjanty pastavak nafty ŭ suviazi ź niedazahruzkaj biełaruskich NPZ rasijskaj syravinaj».
Jak paviedamlałasia, u trecim kvartale 2016 hoda pastaŭki rasijskaj nafty ŭ Biełaruś skaracilisia na 2,25 młn. t.