Nobieleŭski łaŭreat pa litaratury biahučaha hoda Bob Dyłan nie maje namieru davać tradycyjnuju pres-kanfierencyju ŭ Stakholmie napiaredadni ŭručeńnia jamu ŭznaharody, paviedamlaje Šviedskaja akademija.
U aficyjnym paviedamleńni akademii, pryznačanym dla presy, havorycca, što ŭžo ŭ dadzieny momant jaje pradstaŭniki mohuć z upeŭnienaściu zajavić, što ŭ 2016 hodzie pres-kanfierencyja nie adbudziecca. Adznačajecca, što heta nie zaležyć ad taho, ci pryjedzie na ŭručeńnie sam łaŭreat.
Nahadajem, u kancy kastryčnika Bob Dyłan zajaviŭ, što prymaje vysokuju ŭznaharodu. Tradycyjna heta značyć, što jon pavinien pračytać lekcyju Nobieleŭskaha łaŭreata pa litaratury. Akademija navat pryznačyła datu dla hetaj padziei — 7 śniežnia.
U dadzieny momant taksama nie jasna, ci pryjedzie Bob Dyłan na ŭručeńnie premii 10 śniežnia.