Za apošnija sutki ŭ Redakcyju «Našaj Nivy» źviarnulisia pradstaŭniki dvuch aficyjnych rasijskich telekanałaŭ — «Piervoho kanała» i «Źviezdy» (kanał Minabarony RF). Ich žurnalisty paviedamlali, što rychtujuć pieradačy, pryśviečanyja biełaruska-rasijskim adnosinam, i prapanoŭvali ŭziać u ich udzieł, a taksama pytalisia kantaktaŭ biełaruskich kulturnych dziejačaŭ, jakich źbiralisia zaprasić.
Jak stała viadoma NN, z anałahičnaj prośbaj źviartalisia da pradstaŭnikoŭ biełaruskaj dyjaspary Maskvy.
Raniej padčas takoha kštałtu tok-šou prapahandysty abychodzilisia siłami prarasijskich «analitykaŭ i ekśpiertaŭ». Dla čaho im tak adnačasova spatrebilisia pradstaŭniki biełaruskaj intelihiencyi? Mahčyma, ciapier pierad imi staić novaja zadača: pakazać moc i raznastajnaść «rusafobii» ŭ Biełarusi. Rusafobami, nahadajem, šavinistyčnyja rasijskija ŚMI ciapier nazyvajuć usich, chto ličyć biełarusaŭ asobnaj nacyjaj z pravam vybaru svajho histaryčnaha šlachu i hieapalityčnaj aryjentacyi.
Papiaredni raz pa kamientary «Našaj Nivy» rasijskija telekanały źviartalisia ŭ 2011 hodzie. A ŭ 2009 hodzie, nahadajem, redaktaraŭ biełaruskich ŚMI zaprašali ŭ Maskvu na sustreču ź Miadźviedzievym. Heta papiaredničała chvali materyjałaŭ na rasijskim TV, siarod jakich byŭ cykł filmaŭ «Chrosny Baćka».
