Bank DNK elitnych spartsmienaŭ stvorany ŭ Biełarusi. Pra heta paviedamiŭ hałoŭny vučony sakratar Nacyjanalnaj akademii navuk Biełarusi, staršynia Biełaruskaha tavarystva hienietykaŭ i sielekcyjanieraŭ Alaksandr Kilčeŭski siońnia na III Mižnarodnaj navukovaj kanfierencyi «Hienietyka i bijatechnałohija XXI stahodździa: prablemy, dasiahnieńni, pierśpiektyvy».
Alaksandr Kilčeŭski raskazaŭ, što navukoŭcy prateściravali bolš jak 500 spartsmienaŭ 30 nacyjanalnych kamand Biełarusi.
DNK-pašpartyzacyju spartsmienaŭ ažyćciaŭlajuć u łabaratoryi hienietyki čałavieka, jakaja funkcyjanuje ŭ Instytucie hienietyki i cytałohii Nacyjanalnaj akademii navuk. DNK-pašpartyzacyja pravodzicca pa kompleksie 20 asnoŭnych hienaŭ, što istotna ŭpłyvajuć na stan aporna-ruchalnaha aparatu, vynoślivaść, skoraść, siłu, adaptacyju da hipaksii, zdolnaść da adnaŭleńnia paśla fizičnych nahruzak.
Ciapier raspracavany prahramy adboru pačynajučych spartsmienaŭ pa spartyŭnych napramkach: skorasna-siłavym, jaki patrabuje vynoślivaści, hulniavym i składanakardynacyjnym, jakija dajuć mahčymaść palepšyć spartyŭny adbor i śpiecyjalizacyju.
Raspracavana taksama sistema hienietyčnaha teściravańnia ŭ sporcie, što ŭklučaje ŭ siabie hieny, jakija determinujuć vysokija spartyŭnyja dasiahnieńni, a taksama abumoŭlivajuć schilnaść da prafiesijnych patałohij. Hienietyčnaje teściravańnie spartsmienaŭ daje mahčymaść aptymizavać trenirovačny praces i karekciravać miedyka-bijałahičnaje zabieśpiačeńnie atletaŭ, što ŭ vyniku sadziejničaje pavyšeńniu ich rezultatyŭnaści.
Akramia taho, raspracavana DNK-technałohija vyznačeńnia ŭzroŭniaŭ aktyŭnaści hienaŭ, asacyiravanych z vysokimi spartyŭnymi dasiahnieńniami. Kantrol za dynamikaj ekspresii hienaŭ u adkaz na fizičnyja nahruzki daje mahčymaść svoječasova karekciravać prahramu trenirovak i istotna palepšyć realizacyju spartyŭnaha patencyjału spartsmiena.
U NAN Biełarusi 23-25 listapada prachodzić III Mižnarodnaja navukovaja kanfierencyja «Hienietyka i bijatechnałohija XXI stahodździa: prablemy, dasiahnieńni, pierśpiektyvy». Na forumie pradstaŭleny vyniki sučasnych hienietyčnych i bijatechnałahičnych daśledavańniaŭ navukoŭcaŭ Biełarusi, Rasii, Ukrainy, Kazachstana, Vialikabrytanii (Šatłandyja). Mierapryjemstva arhanizavana z metaj abmienu vopytam i abjadnańnia navukovych patencyjałaŭ navukoŭcaŭ z roznych krain dla vyrašeńnia pryjarytetnych zadač hienietyki i sielekcyi. U čas raboty kanfierencyi praduhledžany praviadzieńnie 11-ha źjezda Biełaruskaha tavarystva hienietykaŭ i sielekcyjanieraŭ (BTHiS).
Źjezd BTHiS i mižnarodnaja navukovaja kanfierencyja prymierkavany da 115-hodździa z dnia naradžeńnia akademika Antona Žebraka. Ź jaho imiem źviazvajuć pačatak surjoznych hienietyčnych daśledavańniaŭ u Biełarusi. Raboty navukoŭca ŭ halinie addalenaj hibrydyzacyi pšanicy i ekśpierymientalnaj polipłaidyi, pačatyja ŭ 30-ja hady minułaha stahodździa ŭ Maskvie i pradoŭžanyja ŭ 50-ja hady ŭ Akademii navuk Biełaruskaj SSR, byli pieršymi hienietyčnymi daśledavańniami ŭ respublicy.
