Jany ŭznaharodžany za šmathadovuju plonnuju pracu, uzornaje vykanańnie słužbovych abaviazkaŭ, mužnaść i advahu, prajaŭlenyja pry vyratavańni ludziej, dasiahnieńnie vysokich vytvorčych pakazčykaŭ u pramysłovaści i budaŭnictvie, sielskaj i lasnoj haspadarcy, značny asabisty ŭkład u raźvićcio haliny navukovych daśledavańniaŭ, enierhietyčnaj sistemy, śfiery adukacyi, achovy zdaroŭja, bytavoha absłuhoŭvańnia nasielnictva, mastactva, kultury i sportu.
Pamočnik Prezidenta Biełarusi Mikałaj Korbut i staršynia SVK «Ahrakambinat Snoŭ» Mikałaj Radaman udastojeny ordena Ajčyny III stupieni.
Načalnik upraŭleńnia materyjalna-techničnaha zabieśpiačeńnia MNS Ihar Bołataŭ i načalnik Respublikanskaha atrada śpiecyjalnaha pryznačeńnia MNS Rusłan Sałodkin uznaharodžany ordenam «Za słužbu Radzimie» III stupieni.
Ordenam Pašany adznačany 16 čałaviek. Siarod ich hienieralny dyrektar AAT «Barysaŭski zavod aŭtatraktarnaha elektraabstalavańnia» — kirujučaja kampanija chołdynha «Aŭtakampanienty» Anatol Kapski, rektar Hrodzienskaha dziaržaŭnaha ahrarnaha ŭniviersiteta Vitold Pieścis.
Mastak-žyvapisiec, člen Biełaruskaha sajuza mastakoŭ Alaksandr Sałaŭjoŭ i hałoŭny režysior, hienieralny pradziusar TAA «Profiartvidean» Alaksandr Cichanovič udastojeny ordena Francyska Skaryny.
Za zasłuhi ŭ roznych śfierach dziejnaści vialikaja hrupa rabotnikaŭ adznačana miedalami za vyratavanaje žyćcio, za adznaku ŭ voinskaj słužbie, u achovie dziaržaŭnaj hranicy, u papiaredžańni i likvidacyi nadzvyčajnych situacyj, za pracoŭnyja zasłuhi i miedalom Francyska Skaryny.
Ukazam taksama prysvojeny hanarovyja zvańni. Artystu-vakalistu — viadučamu majstru sceny Nacyjanalnaha akademičnaha Vialikaha teatra opiery i baleta Nastaśsi Maskvinoj prysvojena hanarovaje zvańnie «Narodny artyst Biełarusi». Zvańnie «Narodny nastaŭnik Biełarusi» prysvojena nastaŭniku fiziki Mahiloŭskaha dziaržaŭnaha abłasnoha liceja №1 Valeryju Baraškavu.
Akramia taho, ukazam prysvojeny hanarovyja zvańni zasłužanaha artysta, dziejača navuki, rabotnika adukacyi, urača, rabotnika achovy zdaroŭja, pramysłovaści, sielskaj haspadarki, lesavoda, budaŭnika, treniera, majstra sportu.
