U noč na 7 śniežnia na 90-m hodzie žyćcia ŭ rasijskim Jarasłaŭli pamior dušpastyr mnohich biełaruskich hreka-katolikaŭ, ajciec Viktar Daniłaŭ, paviedamlaje Radyjo Racyja.
Viktar Daniłaŭ naradziŭsia 20 lipienia 1927 hoda ŭ Jarasłaŭli. U 1948 h. byŭ aryštavany za krytyčnyja vykzvańni ŭ adras Stalina i asudžany na 10 hadoŭ. Znachodziŭsia ŭ łahiery ŭ Incie (Komi ASSR) da 1955 h.
U 1960 h. pierajechaŭ u bolš libieralnyja rehijony SSSR — spačatku ŭ Vilniu, a ŭ 1967 h. u Hrodna. U pačatku 1970-ch h. atrymaŭ prapanovu vučycca na śviatara hreka-katalickaha abradu. U 1976 u Lvovie tajna paśviečany ŭ śviatary mitrapalitam Uładzimiram Ścierniukom. Viarnuŭsia ŭ Hrodna, dzie pačaŭ śviatarskaje słužeńnie va ŭmovach padpolla. Pisaŭ relihijnyja pracy dla samvydatu.
Z 1992-ha byŭ paracham hreka-katalickaj parafii ŭ Hrodnie. U 2003-im viarnuŭsia na radzimu ŭ Jarasłaŭl, vioŭ tam misijanierskaje słužeńnie, praciahvaŭ pisać pracy na relihijnyja temy i prapaviedavaŭ u fejsbuku. U 2015 hodzie ŭ internecie źjaviłasia jaho pieravydańnie pracy «Moj šlach da Boha i da Katalickaj carkvy».
Ajciec Viktar Daniłaŭ: Ja zaŭsiody byŭ antykamunistam
