Pamiatajecie chłopca, jaki sabraŭ najbolš podpisaŭ za bieł-čyrvona-bieły ściah — 1800? Voś jon na fota.
Jaho imia — Siarhiej Palčeŭski. Kali ŭčora Palčeŭski jechaŭ da ludziej, jakija šyjuć nacyjanalnyja ściahi, zabirać pałotniščy, jon «zaŭvažyŭ, što ŭsie čatyry koły mašyny prarezany nažom — adnaŭleńniu nie padlahaje».
Jon miarkuje, što heta svojeasablivaja pomsta jamu za akcyi pa vyviešvańni nacyjanalnych ściahoŭ.
Voś što piša jahony paplečnik Źmicier Daškievič: «Koły na mašynu kaštujuć nie mienš za 300 ua, i adzin Siarhiej heta nie paciahnie. Zaklikaju ŭsich, chto moža — dapamahčy nam sabrać srodki! Ci telefanujcie mnie pa numary 8-044-755-69-90, ci pišycie mnie ŭ pryvatnyja paviedamleńni na majoj staroncy ŭ FB (www.facebook.com/zm.dashkevich), ci prynoście hrošy na Art-siadzibu (pr-t Niezaležnaści, d. 58, of. 430) z parolem «Na koły i ściahi!» I jak my razam usie padnaciśniem, harantuju vam nastupny raz u Miensku dzivosnaje bieł-čyrvona-biełaje śviata!» — žartuje Daškievič.
