Da niadaŭniaha času rekordam biełaruskaha kraŭdfandynhu byŭ zbor srodkaŭ na dziejnaść časopisa «Imiony». Bolš sabrali tolki na ciažkachvorych dziaciej z asablivaściami psichafizičnaha raźvićcia, pra jakich napisaŭ časopis. Heta 67 987 rubloŭ.
Adnak ludzi hatovyja padtrymlivać nie tolki sacyjalnyja prajekty, ale i pradprymalnickija, tvorčyja inicyjatyvy. Paśpiachova źbirajuć hrošy i na vydańnie knih ci dyskaŭ, źjaŭleńnie novych hulniaŭ, palapšeńnie infrastruktury horada i mnohija inšyja rečy. Ciapier u našaj krainie pracujuć dźvie kraŭd-płatformy: Talaka.by i Ulej.by.
«Kraŭdfandynh aktyŭna raźvivajecca, što ni miesiac, my majem novyja rekordy pa sumie zboru i kolkaści ŭciahnutych ludziej. Nie adstaje i kraŭdsorsinh — uciahvańnie ludziej u kamandu i atrymańnie paradaŭ ekśpiertaŭ, — kamientuje kiraŭnik i zasnavalnik Talaka.by Jaŭhien Kliševič. — Kraŭd-technałohii — heta novy farmat stvareńnia i ažyćciaŭleńnia svaich płanaŭ i maraŭ. Pamienieła manapolii ŭ inviestaraŭ, vydaŭcoŭ, dziaržavy i karparacyj na stvareńnie vydatnych rečaŭ. Zacikaŭlenaja supolnaść moža hałasavać svaim rublom i spravami za toje, što im sapraŭdy patrebna i cikava».
Top-5 prajektaŭ hoda na Talaka.by
- Muzyka — «Partmane» trya — sabrana 10 140 rub.
- Knihi — Vydańnie «Chronik Narnii» pa-biełarusku — sabrana 9 485 rub.
- Horad i infrastruktura — Stvareńnie parku minijaciur VKŁ — sabrana 8 590 rub.
- Filmy i multy — Pierakład multfilmaŭ «Śvinka Pepa» na biełaruskuju — sabrana 5 570 rub.
- Sport — Zbor hrošaj na pajezdku Vitala Hurkova na čempijanat u Šviecyju — sabrana 4 535 rub.
Top-5 prajektaŭ hoda na Ulej.by
- Knihi — «Aściarožna, Marcaŭ!» — 18 032 rub.
- Fiestyvali — Praviadzieńnie štohadovaha Fiestyvalu biełaruskamoŭnaj rekłamy aDNaK! — 13 749 rub.
- Inicyjatyva — Zbor hrošaj na ŭdzieł Vadzika Rakiety ŭ paŭfinale anhlijskaha šou «Brytanija šukaje talenty» — 12 145 rub.
- Sacyjalny prajekt — Abstalavańnie kabinieta ŁFK u dziciačym chośpisie — 10 371 rub.
- Muzyka — Zapis druhoha alboma art-rok hurta TonqiXod — 5 335 rub.
