Bolš za 25 biełaruskich spartsmienaŭ i trenieraŭ atrymali dziaržaŭnyja ŭznaharody za dasiahnieńnie vysokich vynikaŭ na I Jeŭrapiejskich hulniach 2015 hoda ŭ Baku, XXXI letnich Alimpijskich, XV letnich Paralimpijskich hulniach 2016 hoda ŭ Rya-de-Žaniejra i značny asabisty ŭkład u raźvićcio fizičnaj kultury i sportu. Adpaviedny ŭkaz № 450 Alaksandr Łukašenka padpisaŭ 13 śniežnia.
Jak paviedamlaje pres-słužba kiraŭnika dziaržavy, spartsmien-instruktar nacyjanalnaj kamandy pa invasporcie Respublikanskaha centra alimpijskaj padrychtoŭki pa paralimpijskich i deflimpijskich vidach sportu Ihar Bokij, spartsmien-instruktar nacyjanalnaj kamandy pa skačkach na batucie Respublikanskaha centra alimpijskaj padrychtoŭki pa prykładnych vidach sportu Uładzisłaŭ Hančaroŭ uznaharodžany ordenam Ajčyny III stupieni.
Orden Pašany atrymaŭ spartsmien-instruktar nacyjanalnaj kamandy pa płavańni Respublikanskaha centra alimpijskaj padrychtoŭki pa vodnych vidach sportu Alaksandra Hierasimienia, spartsmien-instruktar nacyjanalnaj kamandy pa ciažkaj atletycy Ministerstva sportu i turyzmu Darja Navumava i prafiesijny spartsmien pa nastolnym tenisie spartyŭnaha kłuba «Fakieł Hazprom» Uładzimir Samsonaŭ.
Trenier-doktar nacyjanalnaj kamandy pa stralbie kulavoj Respublikanskaha centra alimpijskaj padrychtoŭki pa prykładnych vidach sportu Valeryj Białan i hałoŭny trenier nacyjanalnaj kamandy pa invasporcie Respublikanskaha centra alimpijskaj padrychtoŭki pa paralimpijskich i deflimpijskich vidach sportu Maryja Hryharan uznaharodžany miedalom «Za pracoŭnyja zasłuhi».
Ukazam taksama prysvojeny hanarovyja zvańni zasłužanaha majstra sportu i zasłužanaha treniera Biełarusi.
Nahadajem, na XXXI letnich Alimpijskich hulniach u Rya-de-Žaniejra biełaruskaja kamanda pakazała horšy vynik u suvierennaj historyi (z 1996 hoda). Na rachunku atletaŭ 9 uznaharod: 1 załataja, 4 siarebranyja i 4 bronzavyja. U ahulnym nieaficyjnym miedalnym zaliku kraina zaniała 40-je miesca.
