U sistemie ARIP z 20 śniežnia źjavicca novaja opcyja — mahčymaść apłaty pasłuh pa ich indyvidualnym kodzie biez pošuku ŭ drevie prahramy. Pra heta pieradaje BiełTA sa spasyłkaj na NKFA ARIP.
Jak rastłumačyli ŭ kampanii, heta istotna pavyšaje zručnaść i chutkaść praviadzieńnia apieracyi. Nahadajem, što biełarusy raniej nasamreč skardzilisia na ciažkaści z pošukam pasłuh u ARIP.
Novaja opcyja raźmieščana ŭ karaniovym mieniu dreva pasłuh ARIP. Kab pierajści z pošuku pa drevie pasłuh na apłatu pa kodzie pasłuhi, karystalnikam sistemy nieabchodna budzie vyznačycca sa śpisam tych pasłuh, jakija jany pieryjadyčna apłačvajuć, adzin raz daviedacca ich kody i ŭ dalejšym uvodzić ich pry apłacie.
Heta značyć, dla apłaty pa-novamu budzie dastatkova dadać «apłata ŭ ARIP pa kodzie pasłuhi», a dalej uvieści kod i apłacić.
Aznajomicca z kodami pasłuh možna na sajcie raschet.by ŭ raździele «płacielščyk / Pošuk pa pasłuhach i płaciažach». Dla hetaha nieabchodna znajści pasłuhu, jakaja vam cikavić, i vypisać kod, jaki pakazany paśla jaje nazvy.
Jak my pisali raniej, kali płaciož u ARIP syšoŭ nie tudy, to samy prosty i aptymalny sposab vyrašyć takuju prablemu — admianić apieracyju ŭ dzień jaje ździajśnieńnia. Treba patelefanavać u kantakt-centr ARIP pa telefonie 141 i paviedamić numar apieracyi ŭ sistemie, jaki ŭnikalny sam pa sabie i pakazany na čeku. Tam daviedajucca status apieracyi i paviedamiać, ci mahčyma jašče viartańnie hrošaj pry pamyłkova praviedzienym płaciažy. Jak praviła, banki pieraličvajuć hrošy na nastupny dzień paśla płaciažu.
