Victoria Snake Catcher
Žycharka Mielburna znajšła źmiaju prykładna ŭ mietr daŭžynioj pamiž halin kaladnaj jołki ŭ svaim domie. Paźniej vyśvietliłasia, što źmiaja adnosicca da vielmi jadavitaha vidu tyhrovych, piša VVS.
Žančyna nie zapanikavała, sfatahrafavała reptyliju i vyklikała źmiejałova. Eksterminatar Bary Hołdśmit, jaki pryjechaŭ na vyklik, pabačyŭ, što žančyna spakojna pje harbatu ŭ inšym pakoi.
Getty
«Pabačyŭšy źmiaju, jana vyjšła z pakoja, zatknuła ščylinu pad dźviaryma ručnikom i patelefanavała mnie», — skazaŭ Hołdśmit. Na jaho dumku, źmiaja prabrałasia ŭ dom praz adčynienyja dźviery.
Jak raspavioŭ Hołdśmit, źmiaja adnosiłasia da vidu tyhrovych. Pradstaŭniki hetaha vidu ŭvachodziać u siamiejstva aśpidaŭ i ličacca adnymi z samych jadavitych źmiej u pryrodzie. Imaviernaść śmiarotnaha zychodu pry ich ukusie vielmi vysokaja. Tyhrovaja źmiaja moža vyrastać amal da troch mietraŭ u daŭžyniu.
Tyhrovaja źmiaja — redki vid, i znachodzicca pad abaronaj aŭstralijskaha ŭrada. Znojdzienuju ŭ jołcy źmiaju vypuścili na volu.
20 z 25 samych atrutnych ŭ śviecie vidaŭ źmiej vodziacca ŭ Aŭstralii. Jak raspaviadaje Bary Hołdśmit, jon pryvyk znachodzić reptylij ŭ samych niečakanych miescach.
«Ja znachodziŭ ich u botach, u pralnych mašynach, u sabačych budkach, kacinych tualetach, zvyčajnych tualetach, kuchonnych šafach i na knižnych palicach», — raspavioŭ eksterminatar.
