Saviet ministraŭ pastanovaj ad 16 śniežnia 2016 hoda №1035 zaćvierdziŭ taryfy na niekatoryja vidy žyllova-kamunalnych pasłuh na 2017 hod, paviedamili ŭ pres-słužbie ŭrada.
Zhodna z dakumientam, košt ciepłaenierhii budzie pavialičany na 17% da Br15,6098 za 1 Hkał. Na anałahičny pracent vyraście dla nasielnictva cana na haz pryrodny ŭ aciaplalny pieryjad.
Pastanovaj ustanaŭlivajucca ceny (taryfy) na pasłuhi hazazabieśpiačeńnia, elektrazabieśpiačeńnia, ciepłazabieśpiačeńnia, što subsidzirujucca dziaržavaj i zabiaśpiečvajuć poŭnaje pakryćcio ekanamična abhruntavanych zatrat na ich akazańnie. Pry hetym dyfierencyravanyja taryfy na elektryčnuju enierhiju, jakaja vykarystoŭvajecca dla patreb aciapleńnia i haračaha vodazabieśpiačeńnia, źnižany. Akramia taho, ustanoŭleny hraničnyja pamiery cen (taryfaŭ) na pasłuhi vodazabieśpiačeńnia i vodaadviadzieńnia, techničnaje absłuhoŭvańnie žyłoha doma, techničnaje absłuhoŭvańnie lifta, što subsidzirujucca dziaržavaj i zabiaśpiečvajuć poŭnaje pakryćcio ekanamična abhruntavanych zatrat na ich akazańnie, vyšej za jakija abłvykankamy i Minski harvykankam nie mohuć ustanavić. Taksama vyznačany hraničnyja pamiery raschodaŭ i pamiery kampiensacyi nasielnictvam na niekatoryja vidy žyllova-kamunalnych pasłuh (sanitarnaje ŭtrymańnie dapamožnych pamiaškańniaŭ žyłoha doma, techničnaje absłuhoŭvańnie zaporna-pierahavornych ustrojstvaŭ žyłoha doma, elektraenierhii, što spažyvajecca na aśviatleńnie dapamožnych pamiaškańniaŭ i rabotu abstalavańnia, na rabotu lifta, płaciažoŭ za pasłuhi pa abychodžańni ź ćviordymi kamunalnymi adchodami).
Zhodna z dakumientam, košt ciepłaenierhii budzie pavialičany na 17 pracentaŭ da Br15,6098 za 1 Hkał. Na anałahičny pracent vyraście dla nasielnictva cana na haz pryrodny ŭ aciaplalny pieryjad.
Košt elektraenierhii nie pavialičycca.
«Płaciažy nasielnictva, raźličanyja pa subsidzirujemych dziaržavaj taryfach (cenach), hraničnyja pamiery raschodaŭ i pamiery kampiensacyi žyllova-kamunalnych pasłuh nasielnictvam, praduhledžanyja pastanovaj, buduć pavyšany ŭ pamiery, ekvivalentnym $5 u raźliku na siamju z troch čałaviek, jakaja žyvie ŭ dvuchpakajovaj kvatery ahulnaj płoščaj 48 kv.m, pry narmatyŭnym spažyvańni žyllova-kamunalnych pasłuh», - rastłumačyli ŭ Ministerstvie antymanapolnaha rehulavańnia i handlu.
Tak, pry pavieličeńni taryfaŭ raźlikovyja płaciažy siamji z troch čałaviek, jakaja pražyvaje ŭ typavoj dvuchpakajovaj kvatery, pry narmatyŭnym spažyvańni pasłuh (pa asnoŭnych i dadatkovych pasłuhach) uzrastuć na Br10,98 i składuć u aciaplalny pieryjad Br79,38.
Pastanovaj rekamiendavana abłvykankamam i Minharvykankamu zabiaśpiečyć pamiery raschodaŭ nasielnictva za sanitarnaje ŭtrymańnie dapamožnych pamiaškańniaŭ žyłoha doma nie bolš za Br0,53 z adnaho žychara ŭ miesiac; techničnaje absłuhoŭvańnie zaporna-pierahavornych ustrojstvaŭ žyłoha doma - nie bolš za Br0,91 z adnoj kvatery ŭ miesiac. Hetyja taryfy zastalisia na ciapierašnim uzroŭni.
Zhodna z dakumientam, pamiery płaciažoŭ nasielnictva za pasłuhi abychodžańnia ź ćviordymi kamunalnymi adchodami pa subsidzirujemych dziaržavaj taryfach rekamiendavana ŭstanavić u pamierach, što nie pieravyšajuć ich štomiesiačnych pamieraŭ u 2016 hodzie.
Nie źmieniacca pamiery kampiensacyi nasielnictvam raschodaŭ arhanizacyj, jakija ažyćciaŭlajuć ekspłuatacyju žyllovaha fondu i (abo) pradastaŭlajuć žyllova-kamunalnyja pasłuhi, na elektraenierhiju, što spažyvajecca na aśviatleńnie dapamožnych pamiaškańniaŭ i rabotu abstalavańnia, za vyklučeńniem liftaŭ, u šmatkvaternych žyłych damach, jakija ŭstanoŭleny na ŭzroŭni nie bolš za Br0,39 z adnaho žychara ŭ miesiac. Što datyčycca elektraenierhii na rabotu liftaŭ, to taryf pavialičycca da Br0,47 z adnaho žychara (ciapier Br0,26).
Ministerstvu antymanapolnaha rehulavańnia i handlu daručana ŭzhadnić z abłvykankamami i Minharvykankamam subsidzirujemyja dziaržavaj taryfy na vodazabieśpiačeńnie - nie bolš za Br0,5301 za 1 kub.m (ciapier Br0,2790);
vodaadviadzieńnie (kanalizacyju) - nie bolš za Br0,354 za 1 kub.m (Br0,1863); techničnaje absłuhoŭvańnie žyłoha doma - nie bolš za Br0,1 za 1 kv.m ahulnaj płoščy žyłoha pamiaškańnia ŭ miesiac (Br0,0995); techničnaje absłuhoŭvańnie lifta - nie bolš za Br1,19 z adnaho žychara ŭ miesiac (Br0,6911).
Što datyčycca taryfaŭ na vodazabieśpiačeńnie, vodaadviadzieńnie (kanalizacyju), techničnaje absłuhoŭvańnie žyłoha doma, jakija zabiaśpiečvajuć poŭnaje pakryćcio ekanamična abhruntavanych zatrat, to jany zastanucca na ciapierašnim uzroŭni. Taryf na techničnaje absłuhoŭvańnie lifta składzie nie bolš za Br1,33 z adnaho žychara ŭ miesiac (u biahučym hodzie - Br1,2).
Apłačvać žyroŭku pa novych taryfach (cenach) nasielnictva pačnie ŭ lutym 2017 hoda za žyllova-kamunalnyja pasłuhi, akazanyja ŭ studzieni.
«Pry vyznačeńni ŭzroŭniu subsidzirujemych dziaržavaj taryfaŭ (cen) prymaŭsia pad uvahu maksimalny ŭpłyŭ na pakazčyk ŭzroŭniu pakryćcia zatrat, h.zn. pavyšany taryfy na tyja žyllova-kamunalnyja pasłuhi, jakija dajuć mahčymaść dasiahnuć najbolš vysokaha pryrostu ŭzroŭniu pakryćcia zatrat pa ŭsim kompleksie ŽKP, - adznačyli ŭ MARH. - Pravodzimaja rabota pa skaračeńni zatrat u śfierach enierhietyki i žyllova-kamunalnaj haspadarki dała mahčymaść zachavać na ŭzroŭni 2016 hoda bolšaść taryfaŭ, jakija zabiaśpiečvajuć poŭnaje pakryćcio zatrat na ich akazańnie».
Heta pastanova ŭstupić u siłu paśla jaje aficyjnaha apublikavańnia, za vyklučeńniem punkta, što datyčycca koštu ciepła-, elektraenierhii i hazu, jaki ŭstupić u siłu z 1 studzienia 2017 hoda.
