Vykanaŭca samavolnaj zamaloŭki hrafici na vulicy Mahiloŭskaj u Minsku znojdzieny, i ź jaho spahoniać srodki praz sud. Pra heta zajaviŭ staršynia Minharvykankama Andrej Šorac na pres-kanfierencyi 21 śniežnia.
«Heta maja ćviordaja pazicyja: kali hrafici źjaviłasia padčas praviadzieńnia Dzion Maskvy ŭ Minsku, i hety eskiz byŭ uzhodnieny nami i maskvičami, to, ja liču, heta niapravilna, kali chtości, zychodziačy ź niejkich asabistych pamknieńniaŭ, prychodzić i zamaloŭvaje», — skazaŭ Šorac. Kali hetamu paturać, to «chtości moža i da pomnika niešta prymajstravać», dadaŭ jon.
«Spahaniać abaviazkova budziem, i našy hramadzianie pavinny razumieć, kali chočaš niešta namalavać, — pahladzicie na toje, što robicca na vulicy Kastryčnickaj, kali pryjechali brazilskija mastaki i namalavali. Ale ja suprać, kab potym na ich chtości čornym zafarboŭvaŭ. Kali jość aŭtar, to tolki ź jaho viedama treba ŭnosić źmieny. Kali ŭsio puścić na samaciok, my pryjdziem da chaosu. My abaviazkova spahonim zatraty na źmieny. Treba jurydyčna heta kampietentna zrabić, kab u sudzie naša pazicyja była vielmi pierakanaŭčaja», — skazaŭ Šorac.
