Fota rg.ru
Dziaŭčynie akazali miedycynskuju dapamohu ŭ adnoj z maskoŭskich balnic.
Paciarpiełaja raskazała rasijskamu resursu L!FE, što ŭ momant zdareńnia prachodziła mima stancyi. «Askiepki patrapili ŭ hałavu, škło, była kroŭ. Mianie adkinuła, ale nie ahłušyła. Prosta strašna było. Usie aranžavaje, jak byccam u połymi vohniennym», — skazała biełaruska.
Pavodle jaje słoŭ, ratavalniki, jakija pryjechali, vyvieli ź pierachodu inšych paciarpiełych, rabočych.
Pavodle dadzienych Maskoŭskaha ŭpraŭleńnia MNS, ranicaj u aharodžanaj častcy pierachodu stancyi mietro «Kałomienskaja», dzie vialisia ramontnyja raboty, adbyłasia razhiermietyzacyja hazavaha bałona, paśla čaho zdaryŭsia vybuch i pažar. U vyniku incydentu paciarpieli šeść čałaviek, dvoje ź jakich špitalizavany.
Načalnik mietrapalitena Dźmitryj Piehaŭ paviedamiŭ, što ramontnaja kampanija — padradčyk adchilenaja ad dalejšaj dziejnaści. Śledčy kamitet pravodzić pravierki.
