Varvara Karavułava (Alaksandra Ivanova).
Sud pryznaŭ byłuju studentku Maskoŭskaha dziaržaŭnaha ŭniversytetu Karavułavu vinavataj u sprobie dałučycca da terarystyčnaj hrupoŭki «Isłamskaja dziaržava» i prysudziŭ jaje da čatyroch z pałovaj hadoŭ pazbaŭleńnia voli ŭ kalonii ahulnaha režymu.
Termin pakarańnia budzie vyličacca z 27 kastryčnika 2015 hodu. Pra heta paviedamlaje karespandent Radyjo Svaboda z zali sudu.
Advakat Karavułavaj Siarhiej Badamšyn zajaviŭ, što abarona abskardziła prysud i ličyć jaho zanadta žorstkim.
Bok abvinavačańnia prasiŭ asudzić dziaŭčynu da piaci hadoŭ pazbaŭleńnia voli.
Napiaredadni Karavułava vystupiła z apošnim słovam, u jakim paprasiła sud ab litaści. Jana zajaviła, što pierapisvałasia z členam «Isłamskaj dziaržavy» nia jak z bajevikom, ale jak z kachanym čałaviekam. Svaje ŭcioki z domu jana nazvała vialikaj pamyłkaj.
Studentka filazofskaha fakultetu MDU Varvara Karavułava (źmianiła imia na Alaksandru Ivanovu) była zatrymanaja ŭ červieni 2015 hodu pry sprobie pierasiekčy turecka-syryjskuju miažu. U listapadzie ŭ dačynieńni da jaje była zaviedziena kryminalnaja sprava.
Baćki Karavułavaj tłumačać jaje dziejańni zakachanaściu ŭ mierkavanaha viarboŭščyka «Isłamskaj dziaržavy».
