22 śniežnia ministry zamiežnych spraŭ Rasii i Biełarusi Siarhiej Łaŭroŭ i Uładzimir Makiej parazmaŭlali pa telefonie.
mfa.gov.by
Pra razmovu paviedamiła rasijskaje viedamstva. Tam raskazali, što razhledžany aktualnyja temy paradku dnia rasijska-biełaruskich adnosin. Biełaruskaje MZS pakul nie davała infarmacyi ab razmovie ministraŭ.
Apošnim časam pamiž Biełaruśsiu i Rasijaj uźnikła niekalki prablemaŭ, u tym liku naftahazavy kanflikt i prablemy z pastaŭkami biełaruskaj pradukcyi na rasijski rynak.
A siońnia ŭ MZS Biełarusi byŭ vyklikany daradca rasijskaha pasolstva Vadzim Husieŭ. MZS vykazaŭ pratest u suviazi z vykazvańniem dyrektara Rasijskaha instytuta stratehičnych daśledavańniaŭ Leanida Rašetnikava, u jakich toj zajaviŭ, što biełaruskaj movie 90 hadoŭ, a Biełaruś - «histaryčnaja častka vialikaj Rasii».
