Fota REUTERS/Marcos Brindicci
Jak stała viadoma z rassakrečanych materyjałaŭ dakładu kamiteta, pryśviečanaha ŭciečkam, spravakavanym Snoŭdenam, Pientahon akreśliŭ 13 «prablem z vysokaj stupieńniu ryzyki», jakija źjavilisia paśla publikacyj u presie eks-supracoŭnika śpiecsłužbaŭ.
Kanhresmieny miarkujuć, što, «kali rasijskija ci kitajskija ŭłady vałodajuć dostupam da hetaj infarmacyi, amierykanskija vojski buduć padviarhacca bolšaj ryzycy ŭ lubym budučym kanflikcie».
Snoŭden «nanios vielizarnuju škodu nacyjanalnaj biaśpiecy, i pieravažnaja bolšaść dakumientaŭ, jakija jon skraŭ, nie majuć nijakaha dačynieńnia da prahram», jakija adnosiacca da zboru pryvatnaj infarmacyi, ale «jany adnosiacca da prahram uzbrojenych sił, raźviedki, a taksama ŭjaŭlajuć vialikuju cikavaść dla praciŭnikaŭ Amieryki», havorycca ŭ dakumiencie.
«Kamitet nie znajšoŭ nijakich dokazaŭ taho, što Snoŭden sprabavaŭ vykazać zaniepakojenaść z nahody zakonnaści abo maralnaści raźviedvalnaj dziejnaści ZŠA ŭ razmovie sa słužbovymi asobami, kiraŭnictvam ci inšym čynam padčas svajoj pracy ŭ CRU abo ANB», — adznačajecca ŭ dakładzie.
U červieni 2013 hoda Edvard Snoŭden pieradaŭ hazietam The Washington Post i The Guardian sakretnyja dadzienyja, ź jakich vynikała, što śpiecsłužby ZŠA prasłuchoŭvajuć telefonnyja razmovy i adsočvajuć elektronnuju pierapisku hramadzian ZŠA i lidaraŭ zamiežnych krain. Bajučysia pieraśledu amierykanskich uładaŭ, Snoŭden vylecieŭ u Hankonh, a paźniej u Maskvu. U žniŭni 2014 hoda były supracoŭnik amierykanskich śpiecsłužbaŭ atrymaŭ trochhadovy vid na žycharstva ŭ Rasii. U ZŠA Snoŭdena abvinavačvajuć u špijanažy, na radzimie jamu pahražaje da 30 hadoŭ turmy.
