U adpaviednaści z novaj redakcyjaj Padatkovaha kodeksa Respubliki Biełaruś z 1 studzienia 2017 hoda ŭstanoŭleny novyja adzinyja staŭki konsulskich zboraŭ za vydaču ŭjaznych viz, paviedamlaje Ministerstva zamiežnych spraŭ.
Za vydaču indyvidualnaj vizy, niezaležna ad kolkaści ŭjezdaŭ, konsulski zbor składzie 60 jeŭra, za vydaču hrupavoj vizy — 10 jeŭra z čałavieka.
Pry hetym, padkreślivajuć u MZS, u dačynieńni da hramadzian i žycharoŭ z asablivym statusam Łatvii, Litvy, Polščy, Estonii, Japonii i Sierbii, jak i raniej, ustanoŭleny inšyja staŭki konsulskich zboraŭ.
U pryvatnaści, hramadzianie Japonii i Sierbii ŭ adpaviednaści z dvuchbakovymi pahadnieńniami vyzvalajucca ad vypłaty konsulskich zboraŭ.
Hramadzianie Polščy i krain Prybałtyki, jak i raniej, apłačvajuć konsulskija zbory pa źnižanych taryfach.
Padrabiaznaja infarmacyja budzie raźmieščana na sajcie Ministerstva zamiežnych spraŭ u raździele «Vizy i konsulskija pytańni» napiaredadni ŭvachodžańnia ŭ siłu novych stavak konsulskich zboraŭ.
«Heta rašeńnie biełaruskaha boku źjaŭlajecca čarhovym zachadam, nakiravanym na ablahčeńnie dla zamiežnych hramadzian mahčymaści naviedać Respubliku Biełaruś, a taksama na raźvićcio mižasobasnych, dziełavych i kulturnych kantaktaŭ, stymulavańnie ŭjaznoha turyzmu», — havorycca ŭ paviedamleńni MZS.
